如果冇買火車証,可直接上國鐵網頁買火車票,國外線有特價,當然又係數量有限,行程已定就要早啲買啦,唔係買哂就冇.
國內線雖然無特價,但票價都唔算太貴,除非想一日內去2-3個城市,如果唔係散買會抵過用pass,去到當地至買都得,想check時間表可以去網頁睇,想check國內線火車價錢,去到網頁,按最底下Buy your ticket轉入下個畫面,tick"ORDINARY TICKET"再按底下Next Stage轉入下個畫面,輸入出入城市名就得.想買國外線火車票,去到網頁,依照指示輸入所有資料就得,取票方法都係自己print,緊記帶埋佢份confirmation同買票時用嘅信用卡出發.
唔同國家嘅國鐵,都會有特價國外線火車票供網上購買,出同入都得,取票方法都係自己print或郵寄,除咗意大利(入去嘅火車票取票方法得兩種,郵寄-但只限國內,或去火車站取-又係只限國內火車站,即是出境可上網買,入就唔得,因為攞唔到)唔怕煩,可去埋網誌內 : 法國自助遊-注意事項 , 德國自助遊-注意事項 , 荷蘭自助遊-注意事項 , 意大利自助遊-注意事項二 , 睇吓邊個平啲,再決定幫邊個買,網誌內有教大家點做同佢哋嘅國鐵網址.
坐eurostar去倫敦,可以去埋eurostar的網頁睇吓邊個平些.
想知多些旅遊資料,可以去網頁睇.
