• 遊覽德國,有數條穿洲過省的觀光巴士路線可供選擇,Romantische Strasse羅曼蒂克之路和Die Burgenstrasse古堡之路,兩條路線於Rothenburg O.D.T.站為交匯點,持歐洲火車証可享有4折優惠(當然張証是要有效才可以),只在夏季行駛,而Express-Linie:Die Burgenstrasse就逢星期五,六,日全年行駛. Strasbourg Reutlingen黑森林之路就全年無休亦無折扣優惠.可至網頁查詢時間表和路線.
• "萊茵河畔,像詩那樣美....."呢首歌大家可能未聽過,但係無理由唔識Rhine萊茵河,來到德國當然要坐吓遊船觀光,可至網頁查詢,不過又係夏季至有,冬季只在聖誕節有.一條唔夠,仲有Danube多瑙河,網頁有詳細資料.兩者均是持有歐洲火車証可享折扣優惠.
• 所有觀光巴士和遊船都是夏季才有,冬季唔駛嚟啦,錯,可以改搭火車,至少唔怕暈船浪.
• 歐洲火車証是由德國提倡發行,所以持有它來到遊玩尚有不少優惠,詳情可到網頁查詢,不過如果買嘅係於有效期內用幾日個種就要留意,無填日子嗰日係唔可以享有優惠.
• 每年十月慕尼黑都會舉行啤酒節,鍾意飲嘅就唔好錯過.
• 嚟到德國,唔識德文無所謂,但有兩個字就一定要識,就是Damen女廁和Herren男廁,咪見到Her就以為是女仔咁解.

遊德國,坐火車係最方便同快捷,有啲仲有優惠 :

• 德國分成好幾個唔同聯邦,國鐵有種叫Lander-Tickets嘅1日証供2-5人用,持証可1日內任搭所屬聯邦內嘅local trains(Interregio-Express, Regional-Express, Regionalbahn, S-Bahn),亦有單人票.如打算一日內去所屬聯邦內好幾個城市兼有5個人就真係抵到嘔.不過就算一個人用都抵,當然要睇吓去邊,例如慕尼黑同富森新天鵝堡同是Bavaria/Bayern聯邦要坐Regional-Express火車去,買呢張Tickets抵過散買火車票或用Pass,而呢隻拜仁邦票仲包括埋去奧地利嘅Salzburg;又例如柏林去波茨坦坐S-Bahn就唔好買啦,買柏林市交通証抵好多.詳細資料可以去網頁睇,網頁內亦會叫你經網上訂購,但呢種唔係特價票唔會買哂就冇,所以最好去到當地先買,係自助售票機買平過係counter買些少,唔識可以問人.至於聯邦點分,可去 - 德國旅遊局網頁 或 Wiki 度睇.至於點至知時間表內邊班車可坐,只要先在網頁內check時間表,有結果後再按入去,就可看到是什麼種類的列車,如下圖 :再根據時間班次上車就得啦,千萬別上錯EC即Eurocity,如果上錯就要補錢啦.
• 國內同國外線上網買都有特價,但就數量有限,要買就越早越好,同埋唔可以更改同退款,可以去
網頁買票,入好日期時間同地點後,Travellers內,如你有2-5人,可按Add travellers加人,加人後國外線會要你入埋年齡,國內就唔需要,隔離No reduction唔使理,按Search connection轉入下一個畫面,就會show幾班車出來俾你揀,Chg.0即是唔使轉車,揀好你想坐個班車之後,按價錢下面Check availability就會轉入下一個畫面,show哂你揀個班車的資料同原本正價是多少錢,當然可以揀過另一個價錢,揀好就按Book selected offer或按Purchase轉入下一個畫面,就係你的order summary,某些路線價錢已包括reservation,冇包嘅佢會問你With定Without,如果驚冇位坐,可以揀With俾多2歐羅,Type of delivery for the ticket佢已幫你揀好自己print,當然可以改郵寄(不過要另外再俾郵費),對過冇問題,按Proceed轉入下一個畫面揀位,如果唔使揀位,就會直接去到下一個畫面,如是國外線,佢會問你使唔使book酒店,唔使就去下面,揀Booking without registering,按Continue to book rail joruney without hotel轉入下一個畫面,輸入個人資料(無論買幾多張票,只需輸入信用卡持有人的資料),tick哂Your identification......內兩個格,tick咗credit card後,下面Online-Ticket ID number就入信用卡號碼(用來做身份証明),Your payment details內再入同一張信用卡資料(用來俾錢),Card vertif...即是信用卡背面號碼後的數字(一般是3個).入好哂後按Continue就大功告成,等佢send email俾你之後print出來,出發時緊記帶埋張print out同買票張信用卡,去到就可以依時上車.至於個email,就玩完返來至好delete,萬一唔見都可以再print過.
• 唔同國家嘅國鐵,都會有特價國外線火車票供網上購買,出同入都得,取票方法都係自己print或郵寄,除咗意大利(入去嘅火車票取票方法得兩種,郵寄-但只限國內,或去火車站取-又係只限國內火車站,即是出境可上網買,入就唔得,因為攞唔到),唔怕煩,可去埋網誌內 : 荷蘭自助遊-注意事項 , 法國自助遊-注意事項 , 瑞士自助遊-注意事項 , 意大利自助遊-注意事項二 ,比利時自助遊-注意事項睇吓,邊個平再決定幫邊個買,網誌內有教大家點做同佢哋嘅國鐵網址.

其他要注意的一般事項,可到網誌內'歐洲自助遊-我得你都得'中參考.