由Interlaken坐火車去Geneve呢程Golden Pass,沿途會上山同落山,風景都絕不遜色,望住山上一間間小屋,真係好想自己都有一間,我當然買唔起,唯有買個小屋音樂盒當係.

嚟到當然要遊Lac Léman日內瓦湖,持是但一款Eurail Pass或Swiss Pass都可免費坐,船公司網頁有詳細資料.

市內觀光,基本上又係唔使坐車,行路就得.出咗火車站,沿Rue des Alpes行去湖邊,離遠已經望到巨型噴泉,過埋Pont du Mont-Blanc橋,就會見到另一樣巨型花鐘.

影完相可以沿湖邊散步,或者行入舊城遊覽.

想知多啲當地資料,可以去佢網頁睇吓.

日內瓦湖另一面有座古城堡Chateau de Chillon西庸城,位於湖畔,可以即日來回去參觀,由日內瓦坐火車去到Montreux再轉巴士,詳情可以去網頁睇.

先講講地理,位於普羅旺斯中心的Vaucluse省,首府就係Avignon,除咗盛產薰衣草外,仲有橄欖,葡萄同果園,既然盛產葡萄,當然唔少得有酒莊供遊人參觀.

薰衣草花田,大多位於Mont-Ventoux山,Mont.de Lureu山同Luberon山脈內,火車唔到,亦冇乜巴士到,除咗自己駕或租車外,最好跟local tour,跟tour就最好stay係Avignon,因為大多數tour都由此出發,佢都係一個古城,值得參觀,可惜六月尾有個電影節,七月又有節慶,所以最好訂到房至搵tour,或者即日來回參加半天團.如果想上國鐵網頁買特價火車票就要快,因為多人去好快買哂,正價價錢亦貴好多;**如用火車証就要留意,記得做咗留位至好上車(因為係坐TGV),同埋每班火車預留俾持火車証坐嘅人係有數量限制,所以旺季時最好早啲做留位.坐火車時最好揀Avignon-Centre站,係正市中心,方便遊玩,市中心外個火車站叫Avignon TGV,兩站相距10分鐘車程.

想知多些Avignon嘅資料,可去網頁睇吓.

如果係Avignon訂唔到住宿,可考慮住附近小城,book tour時就睇吓可唔可以改喺自己住宿處上車,如果唔得,坐火車都好方便,小城資料如下(如由巴黎前往,都要在Avignon轉車) :

想check巴士時間表,可以去網頁睇,不過只得法文.

以下有幾個 local tour網頁俾大家參考 :

1. Self-Voyages,去到網頁,按english轉入下個畫面再按english轉入下個畫面,按Tours轉入下個畫面,喺Your Search度揀你想參加的local tour.當中Coach tours Les Provencales內有個Lavender & villages in Luberon by coach係最平,下午1點半至7點,會帶你去睇花田,參觀Luberon內的Gordes村同薰衣草博物館;另外Lavender Tours內有個坐Minibus嘅Lavender tour Afternoon同佢差不多但去多幾處睇花田,下午2點至7點,價錢就貴一倍.除咗下午團,仲有上午或全日,尚有參觀酒莊,遊船河,坐飛機觀賞花田同煮食等等唔同種類團.如果有4個人兼打算住1星期,可考慮租佢間apartment,由星期六至下一個星期六.
2. Provence Panorama,佢啲local tour種類同上面的差不多,但價錢就平些少,不過上面我講最平個團Coach tours Les Provencales佢就冇;仲有租車(包司機)服務.
3. Decouvertes du Ventoux,佢啲local tour種類同上面的差不多;亦有租車(包司機)服務.

4. Montgolfiere,如果有錢又對坐熱氣球有興趣,可到網頁參考,網頁內都有些少酒店介紹,可以去睇吓.

有些團會去Lavender Museum薰衣草博物館,想自己去就要自行駕車,無公車到.

如果對睇薰衣草興趣唔大,可考慮其他月份前來,到附近一帶小城遊覽,至少唔使同人迫兼捱貴酒店.

想知多些普羅旺斯嘅資料,可去網頁睇吓.

遊羅馬,至少要3日,隨你喜好.

如果真係無藝術細胞(好似我),梵諦岡博物館可以唔入都得,買本旅遊書或博物館門口買本書,已經有好詳盡講解同圖片,清楚過自己親身睇,當然只是我個人見解.

不過聖彼得大教堂嘅鐘樓頂就一定要上,當年我見有lift搭唔使自己行樓梯咁辛苦,即刻第一時間撲埋去俾錢入,上到去見到以為到咗,原來仲有條路行上去相中嘅圓頂,你可以沿鐵絲網行望番下面的教堂內部同影相(如果冇畏高),影圓頂天花壁畫,由教堂望上來係乜都睇唔到.不過呢處只係中途站,仲有一條又長又斜兼團團轉嘅路上圓頂觀景台,來到呢個地步,無理由唔上埋去,於是同朋友一齊上,條路好窄,有人落時就要企埋一邊,行到一處比較闊嘅地方時,我朋友竟然話頂唔順唔上啦,係處等我叫我自己上.到我上到去回完氣行完影完相,諗住落返去,點知個守衛話落去要行另一邊,呢邊只準上,真係my god,竟然忘記咗,通常圓頂都係上落唔同地點,頭先見到有人落,原來都係頂唔順打退堂鼓,我朋友仲係中段等緊我,諗住等個守衛行開鼠入去,佢又死都唔走,唯有死死地氣行落去,又行上去搵埋朋友又落番去,不停轉同行真係頭都暈兼腳軟.

西班牙廣場後面座山度有個Villa Borghese(地圖入面俾個SHOPPING TOUR阻住嗰個),內有博物館同一個好大嘅公園,可以係Termini前個巴士站坐910號巴士去,可以問吓司機邊度落或見到舊城牆就落車,行入去就係,去到盡頭Pincio係觀景台,另一個可以望哂成個羅馬加梵諦岡嘅好去處,即是相中最後面,行落去就係Piazza del Popolo廣場,廣場旁有兩座一式一樣嘅教堂,當地人叫佢做雙子教堂,由教堂中間向前望,又會見到嗰座白色蛋糕Monumento a Vittorio Emanuele II紀念堂,沿Via del Babuino街行,又可以去番西班牙廣場,沿路兩旁都有些特色商店.

呢個係官方旅遊網頁 http://www.romaturismo.com/v2/en/main.asp,有興趣可以去睇吓.想搵交通資料,去到網頁按Rome welcomes you再按trasportion再按 When in town就有哂地鐵巴士等資料.如果唔想行路或自己坐車,可考慮坐觀光巴士遊覽,有幾條線可供選擇,係網頁按Bus再按Bus 110 City Tour就有哂所有資料.

如果第一次嚟,可考慮買張ROMA PASS,詳情可去意大利資訊和旅遊點網頁睇吓. 

呢個係地鐵同巴士公司網頁http://www.atac.roma.it/

顧名思義,她就是位於Brienzersee湖同Thunersee湖中間嘅小鎮,小鎮真係好細,基本上得一條大街,由火車東站行去西站,3,4個鐘都行完,不過行吓,坐吓,hea吓,睇吓風景,咁就一日.

第一次來,因為要上少女峰,旅遊書無介紹鎮上有乜好睇,只係介紹去遊旁邊兩個湖同游船河時中途有個鐘乳石洞,即是無景點可言啦,當年(哈哈,睇番啲相至知,原來已是91年)又未有上網搵資料呢樣嘢,所以只住咗兩日,嚟到至發覺,真係無招勝有招.所以決定,下次一定要再嚟.

呢隻就係遊Brienzersee湖嘅船啦, 沿途景色係咪好靚呢,其實坐火車去Bern條鐵路,係沿湖邊行,如果怕暈船浪,可以坐火車,不過當然冇坐船咁寫意,可以選擇坐船來回,或者去到Brienz落船坐火車回程,亦是持是但一款Eurail Pass或Swiss Pass都可免費坐.

Thunersee湖就冇坐船游湖,因為第一次去時,有船但要俾錢(因為有季節性,免費嗰間未開),第二次再去又係未開,好在我住嗰間hostel係正湖邊,睇小小好過冇.

想知多些游呢兩個湖的資料,可以去網頁睇.

想知多些Interlaken的資料,可以去佢官方網頁睇.

一出火車站,就會望見呢個Chapel Bridge水塔花橋,我好慶幸在它未受祝融之災時到過,行過條橋,留低幾條頭髮,同影低幾張相俾大家睇,雖然當時佢都係維修緊,穿過條橋,再向前行,就可去到對岸嘅舊城區,是購物區,全是紀念品店,餐廳同百貨公司,後面有個古城牆,可以行上去,望吓周圍景色.亦可沿湖邊散步,睇吓啲天鵝同鴛鴦喺度戲水.

呢個係市內另一個象徵,垂死獅子像

另一個令我鍾意佢嘅原因,就係可以坐喺遊湖船內,欣賞周圍景色,唔使自己行到腳軟.一出火車站就會見到上船嘅碼頭,記得攞番張時間表睇吓,船上有餐廳,貴唔貴就見仁見智,不過嗰一刻心情好唔會覺貴,所以我都幫襯佢食咗個雪糕,他他條條咁邊食邊觀賞景色,真係好嘆,持是但一款Eurail Pass或Swiss Pass都可免費坐,網頁有詳細資料.

其他詳細資料,可以去佢官方網頁睇吓,有中文.

插頭同西歐一樣,兩腳圓頭,220V.

想買平機票,可以去Jet Air網頁http://www.jetair.pl/frontpage.jsp?menuId=10睇吓,不過只得國內線,LOT就國內外都有,網頁http://www.lot.com/default.aspx?_lang=en

火車時間同價錢,可以去國鐵網頁http://rozklad-pkp.pl/bin/query.exe/en睇,寫好日期時間去到當地先買都得.

在一些地道式商店同食店,工作人員簡直唔識英文,想食嘢唯一辦法就係睇吓其他人食乜,然後指住來買,我就係咁啦,好在都算味美.

可以克拉科夫為據點,前往以下兩處:

Wieliczka維利加鹽礦,距離它20分鐘車程,可以係火車站前巴士站旁坐Mini Bus前往.首先跟隨導遊由地面行378級樓梯落到地低,然後開始參觀,大約2小時,可隨便影相,不過去到當中一個大禮堂就要幫襯攝影師影相,唔可以自己影.參觀完畢就會去到個好鬼大嘅地低飯堂解散,可以幫襯吓.放心,唔駛自己行返上去,有部古老升降機坐返上去,網頁http://www.kopalnia.pl/home.php?action=&id_language=2&.

如果唔怕恐怖,核突兼心寒,可坐個半鐘火車前往Oswiecim奧斯威辛集中營參觀,網頁http://www.auschwitz.org.pl/.

想知多啲其他資料,可以去網頁睇吓http://www.poland.travel/en/

• 想買就去佢嘅網頁,輸入地點日期時間後按Search,轉入下一個畫面後,再入人數同等級,最低Select the country for receiving or collection the tickets:一定要揀CHINA唔好揀FRANCE,然後按Search,轉入下一個畫面,就會列出當日由你揀的時間開始,有邊幾班車俾你揀,揀好價錢就可以再揀座位,可揀Aisle走廊或Window窗口,如是臥舖就最好揀Upper,揀好後按choose this outward journey,轉入下一個畫面,是order summary,你會見到有段紅色字:Attention,you cannot make reservations for certain journeys in this list,原因係日期時間同座位都有哂,所以係唔需要再去火車站做留位,check清楚正確無誤後,可選擇買另一張票或按confirm轉入下一個畫面,佢有兩種攞票方法,一係電腦自行列印(同意大利一樣),二係攞住張買票時用嘅信用卡同send俾你嘅confirm email,去當地售票機或櫃台度攞,入埋個人資料(無論買幾多張飛,都只需入信用卡持有人的資料就ok),tick埋BY ticking this box......按confirm轉入下一個畫面,入埋信用卡資料就ok,要注意係入完信用卡號碼後,下面有個保安碼要入,即是信用卡背面號碼後的數字(一般是3個).等佢send email俾你之後print出來,出發時緊記帶埋張print out同買票張信用卡,去到就可以依時上車.至於個email,就玩完返來至好delete,萬一唔見都可以再print過.
• 由西班牙,德國,比利時,荷蘭,盧森堡,意大利同瑞士出發去巴黎,又想經法國國鐵網頁買特價票都得,做法同上面一樣,攞票方法就揀自行列印.
• 瑞士只有由日內瓦出發至有特價,而攞票方法亦只得郵寄或揀Collect your tikcet......,即是買完後,要於辦公時間內去日內瓦的Boutique SNCF內,帶埋信用卡同買票後send俾你的confirm email(帶定)取票就可以,要俾8蚊瑞士法郎手續費,網頁內有齊地址同辦公時間.不過買之前,最好去埋瑞士國鐵網頁度睇吓,邊個平再決定幫邊個買,網誌內瑞士自助遊-注意事項有教大家點做同佢嘅國鐵網址. 
• 唔同國家嘅國鐵,都會有特價國外線火車票供網上購買,出同入都得,取票方法都係自己print或郵寄,除咗意大利(入去嘅火車票取票方法得兩種,郵寄-但只限國內,或去火車站取-又係只限國內火車站,即是出境可上網買,入就唔得,因為攞唔到),唔怕煩,可去埋網誌內 : 德國自助遊-注意事項  , 荷蘭自助遊-注意事項 , 意大利自助遊-注意事項二 , 比利時自助遊-注意事項睇吓,邊個平再決定幫邊個買,網誌內有教大家點做同佢哋嘅國鐵網址.而西班牙都係經法國嘅TGV網頁買,所以唔使去格價.
• 佢個網頁,有時用用吓會有問題兼down埋,咁就要close哂所有畫面,重新入去.
• 去火車站做留位時要注意,最好用紙寫定日子時間地點等,買完睇清楚無錯至好走.我就試過一行4人去火車站book2間頭等雙人臥舖由尼斯去羅馬,我都知大家啲英文係水兵鬥海軍,寫好哂兼攞埋本time table入面嘅雙人臥舖圖指俾佢睇,收錢時都奇點解咁平,仲以為佢哋咁好優待,攪好哂俾張飛我睇時至發現,佢book咗間2等4人房,即時話佢知錯,仲理直氣壯同我講雙人房好貴,4人房平啲唔好咩,真係唔知條友係真傻定假懵,不過心諗反正都係自己人一間房平些都好,點知上到火車先發覺,佢同頭等廂房唔同,頭等房門有得鎖外,車卡間度門都鎖埋,隔離卡係過唔到嚟,同埋有個專人留守係車卡度,有飛先俾上車,2等不單只房門無得鎖,車卡間度門係無鎖互通,我就瞓到好似死豬咁,但其餘3人就話成晚啲人係出邊行來行去搵位,好在帶咗鎖鏈同鎖重有繩,帶咗幾次都無用過,今次終於都用得到.

尚有要注意的事項如下 :

• 法文Hotel(o字上有個^)除可解做酒店外,豪宅和大型建築物也是叫Hotel的,所以存放拿破崙陵寢的地方叫做Hotel des Invalides,咪以為佢係酒店.
• 法國紅酒和鵝肝世界聞名,可以去超級市場買返酒店試吓.
• Bonjour,跟我讀'磅書',這是打招呼用語,一句旁身就全法國通行.

想知多啲法國的資料,可到網頁參考.

其他要注意的一般事項,可到網誌內'歐洲自助遊-我得你都得'中參考.

插頭同西歐一樣,兩腳圓頭,230V.

去歐洲,可能你都會想試吓睇歌劇,來到布拉格,除此之外,仲有好多唔同的文化節目可供選擇,最重要係平好多,雖然有部份講捷克話.

布拉格 :

• 機場名叫Ruzyne,機場網頁.由機場出市區最平嘅方法係,坐119號巴士去到Dejvicka再轉地鐵,行李都要買飛,所以最好去counter買,寫底目的地兼俾埋件行李佢睇,大約40幾KC.另一個方法係,坐mini bus直接去到火藥塔後一條街V Celnici落車,但價錢就貴一倍有多,同埋行李size有限制,太大件會要求另外俾錢book車,詳情可以去Cedaz網頁睇.
• 長途巴士Florenc站,位於地鐵B同C線交匯,可以係度坐巴士去Brno,Plzen/Pilsen同Karlovy Vary(又叫Carlsbad),其中去Karlovy Vary嘅巴士都會途經機場,價錢都ok,如果住係度附近可考慮,詳情可以去Megabus網頁睇.除咗呢3個城市外,仲有巴士去Cesky Krumlov,Ceske Budejovice同其他歐洲城市,不過由其他巴士公司經營,想check時間表,可以去IDOS網頁度check,佢會show哂火車同巴士時間表出嚟俾你睇,方便比較,買飛就可以去到至買.
• 一年一度嘅布拉格之春音樂會Prague Spring Int'l Music Festival,網頁http://www.festival.cz/en/
• 全年無休嘅仲有,木偶劇Puppetry或黑光劇Black Theater,走在舊城街頭,都會見到一間間劇場有得睇,可即時購票.想睇歌劇,音樂會,芭蕾舞等等,可到國營旅行社Cedok或酒店櫃台購票,有時走在街上,仲會見到啲人著到成個莫札特咁喺度推銷,不過我未幫襯過,所以唔知真定假,所有詳情都可以去網頁參考.
• 舊城廣場旁聖尼古拉教堂位於Parizska街(打直嗰條),這是名店街,無錯,LV就喺呢度.
• 華夫斯基廣場兩旁銀行,商店和酒店林立,亦是shopping好去處,街上有一個個的小食亭,專售一條條大型香腸連麵包,再加一杯啤酒,當地人便是以此為午餐,不妨試吓,不過找錢時最好數清楚無錯至好走,我就試過找小咗,返轉頭問佢,佢就一邊講,雖然唔知佢講咩,但睇表情應是無理由小咗喎,但佢依然俾返我,即是佢真係找小咗俾我啦.
• 由華夫斯基廣場盡頭Na Mustku街行去舊城,其中一條橫街Havelska,內裡有個露天市集Havelske Trziste,除咗食物外,仲有木製玩具,木偶公仔等等精品,記得講價.

其他 :

• 鍾意水晶手飾或擺設嘅朋友要注意,嚟到當然要買返啲做手信或自己收藏,週街都有舖頭出售Bohemia波希米亞水晶和玻璃,玻璃當然平過水晶,不過佢啲水晶又冇天鵝仔咁貴,睇中不妨買返啲留念.順帶一提唔好喺度買天鵝仔(因是入口貨),價錢同香港差不多,仲貴過喺法國買,我就係買完以為執到寶,去到巴黎至發覺巴黎仲平,真係呻笨都太遲.
• 木製玩具和木偶公仔都是另一種的手信選擇.
• 如果有興趣浸溫泉,可到最出名的Karlovy Vary,從布拉格坐巴士大約2小時便到,唔浸亦可試飲溫泉水和買返啲溫泉餅做手信,網頁http://www.karlovy-vary.cz/en/.

官方旅遊網頁http://www.czechtourism.com/

其他要注意的一般事項,可到網誌內'歐洲自助遊-我得你都得'中參考.

無pass又想慳錢,可以選擇坐頭班車上去,車費都比正價平些少(雖然冇25%),但5-10月時就要喺12:30前坐返車落山,其他月份就冇限.

記得帶太陽眼鏡同手套,唔係會有雪盲同玩到隻手疆硬.

上山一定要天氣好至得,不過天氣差佢都唔會俾你上去.我就好好彩,去2次都無問題上到去.

夏季上山,如果企係太陽底下仲唔會太凍,不過最好都係著長袖衫同帶多件外套好啲,因為企喺個火車站等車時都好凍吓,如果真係怕凍頂唔順,可以留係室內唔出去.

山上有餐廳,唔使驚無嘢食,但價錢當然唔平,所以最好帶定麵包同水.不過貴唔貴就見仁見智,而我嗰一刻心情好,望吓餐牌價錢都接受到,所以就幫襯佢食午餐.

上山同落山條路唔同,不過風景一樣咁靚,特別落山時由高處慢慢行落去嗰下,所以咪瞓著要睇實(俾咗咁多車錢),亦由於架火車係慢慢行落山,所以隻耳仔受嘅壓俾坐飛機多(我覺得),我第一次落山時隻耳仔冇乜點受壓,但落到山隻左耳就好似塞咗咁,第二日至通番;幾年後再去隻耳仔就好似俾針吉咁,不過就冇塞到.所以要有心理準備.

上少女峰除咗住宿喺Interlaken,亦可考慮住喺Lauterbrunnen,網頁有旅舍資料.

想知多些少女峰旅遊資料,可以去網頁睇吓詳細情形.

• 最好選擇喺火車北站Gare du Nord落腳(有地鐵同RER可坐),因這裡有齊高,中,平價的酒店和旅館,法式餐廳(有些連中文餐牌都有),美式快餐店,日式餐廳,越式快餐店等等,由車站正門行落兩條街有兩間超級市場,火車站地低有自助儲物櫃,但由地鐵係過唔到去,一定要上返地面由火車站內另一通道落,正確位置即是由火車站月台出嚟,向右手面行就會見到,內有職員看守和行李要過X光機檢查.可在此搭RER B線往戴高樂機場Aeroport Roissy-Charles de Gaulle,往倫敦的Eurostar亦是由此開出.**酒店可考慮New Hotel呢間2星 - 網頁,好處係喺正火車站對面,一出就見到.亦都可以好似我咁,去到至慢慢搵都得,因同一條街上,仲有好多唔同級數嘅旅館同酒店.**

• 晚餐要試吓佢哋啲生蠔,分1至六號,亦可考慮海鮮冷盤,樣樣有齊,再唔係就叫個扒加枝紅酒慢慢享受.
• 有人話巴黎的地下鐵和RER路線圖好似蜘蛛網咁好難明,其實只要跟住啲顏色線慢慢睇就會發覺好方便,因它四通八達都好方便,不過轉線時往往都要行餐懵.要留意嘅係一條RER線內會再分開去唔同目的地,好似坐RER B去Charles de Gaulle機場,都有2條線去2個目的地,一條去機場,另一條就去Mitry-Claye,睇清楚月台水牌個目的地先好上車.一張交通票巴士,地鐵同RER等共用,地鐵可轉RER但就唔可以轉巴士,一次過購買10程票Carnet de 10 tickets plein tarif平過遂張買,亦抵過買Paris Visite,雖然有証可以免費坐,但1日搭唔倒10程車,同埋佢啲景點好近吓,好似羅浮宮同凱旋門望落幾遠,但直接行去分分鐘同行返落地鐵月台一樣咁遠,原因係有幾條線都會到嘅站,月台間都相隔好遠兼無扶手電梯,上上落落都好辛苦,咁行法不如行過去好過.
• 聖心教堂旁有小型纜車上去,唔想自己行可以用一張交通票坐上去.
• 當你搭地鐵時會發覺好多人都唔買飛,跳或爬過閘口就算,出閘時又會兩個人迫埋一齊過,千萬不要為咗慳嗰小小錢而因小失大,因為週不時都會有一大隊穿著制服或便衣職員係轉車或出閘口的途中查飛,無飛就罰錢,冇得扮唔知,所以謹記買飛和袋好咪唔見,網頁內有哂所有公共交通公具嘅資料,包括去Orly機場同Charles de Gaulle機場.除此之外,法航都有巴士由呢兩個機場出市區,如去Gare de Lyon同Montparnasse呢2個火車站,如要趕火車就最好坐RER,因為可能會塞車;唔使一定要坐法航先坐得,俾錢就得,網頁內有詳細資料,想知多些呢兩個機場嘅資料,可以去網頁睇.
• 坐廉航有時會去Aeroport Paris Beauvais Tille機場,網頁有講點坐車去.
• 坐地鐵轉線時,有時要出閘再入,用返同一張票出入就得,只要睇清楚唔好出錯閘就得,未離開地鐵站都唔好掉張票. 
• 商店的開門時間,多數由早上9:00或10:00到晚上7:00或8:00關門(全法國都是).百貨公司如Printemps春天,逢星期四開至10:00.Galeries Lafayette老佛爺,逢星期四開至9:00(內有超級市場).入去前記得睇清楚關門時間再慢慢選購.星期日全部商店休息,某些超級市場和位於旅遊點的商店會照常營業,好似香榭麗舍大道上的LV總店竟然都有開(下午1:00至2:00會關門午休),不過唔知會否只是暫時性質,所以去前最好去佢個網頁查吓,唔係以為我講大話.
• Avenue des Champs-Elysees香榭麗舍大道上店舖林立,但是只得一間LV總店點夠,放心,由大道向羅浮宮方向行至Av. Montaigne街,如不想行到腳軟(因一陣有排行,不過女士們的忍耐力是天下無敵的,只要小宇宙一經發揮),可從George V地鐵站搭一個站去到Franklin D.Roosevelt,記得要喺車頭落,一上到地面就會即時見到Gucci, 接著還有Salvatore Ferragamo, Chanel, Hermes, Prada, Celine, Fendi, Christian Dior, LV.....等等.要記住這裡的名店星期日是唔開的.
• 如想購買LV,應儘量避免前往香榭麗舍大道總店,雖然貨品齊備,但是非常之咁多人,想揾人幫你都難,兼且現在無目錄你睇(其實有不過唔擺出嚟),如果唔記得嗰名都幾難買倒.可考慮前往塞納河左岸ST-GERMAIN-DES-PRES區嗰間,位於地鐵4號線ST-GERMAIN-DES-PRES站,啲SALES好好人,我同朋友都係冇抄低個名,形容咗好耐先知想要邊個,可能因為咁,到我哋話想買銀包,即刻攞哂出來俾我哋揀.
• 無論你是否充滿藝術細胞,都應該買張Paris Museum Pass(inter Musees),分2,4或6日,憑咭可免費前往各個主要的博物館,美術館如羅浮宮,凡爾賽宮,凱旋門,聖母院等(鐵塔唔包),最重要就是不用再浪費時間去排隊買票,隨付的小册子有詳細列明,網頁內有詳情講邊啲免費,去到巴黎先買就得啦,唔使經網頁買.
• 市郊Chateau de Versailles凡爾賽宮,係太陽王路易十四起嚟做皇宮,加埋花園,大到起碼行1日,第一次世界大戰結束後,就是在皇宮內的鏡廊簽署凡爾賽和約,坐RER C係Versailles Rive Gauche落車.
• 地下鐵2號線和11號線的交匯點站Belleville,是當地的唐人街,有齊各式各樣的餐廳和酒樓,亦有超級市場,越南餐廳都有好幾間,而我就覺得當中有間叫"為平牛粉"係最好食,亦最多人幫襯,不過價錢都唔平.
• 地下鐵4號線Les Halles和RER A,B,D線Chatelet Les Halles(互通的交匯點)有個大型的購物中心Forum Des Halles,內裏有間大型的H&M,出中心向西北方向走,穿過Eglise St-Eustache教堂,見到Rue du Jour街,Agnes b的總店在此.
• 迪士尼樂園網頁.
• 迪士尼樂園隔離有個大型的購物商場,商場內又有間大型的超級市場,好大間有2層;最重要是商場隔離有個Factory outlet : La Vallee Village,不妨去睇睇有冇平嘢執.
• 地下鐵4號線尾站Porte de Clignancourt有個巴黎最大嘅跳蚤市場Marche Aux Puces de Saint-Ouen,只開星期六,日,一3日,網頁內有詳細資料.
• Place de la Bastille巴士底廣場旁都有個賣食物嘅露天市場,即是街市,只開星期四同星期日,上午8點半-1點半.另外喺對岸地下鐵7號線Censier Daubenton站或Place Monge站旁,Rue Mouffetard街是一條好細嘅石板小路,前段係紀念品店同小餐館,後段係一個古老街市,入到去你可以聞到好大陣芝士味,街市晨咁早7點就開,星期一唔開.
• 如想要影得哂成個巴黎鐵塔,就要係地下鐵6號線和9號線的交匯點站Trocadero落車,影完再慢慢行落去.
• 法文Hotel(o字上有個^)除可解做酒店外,豪宅和大型建築物也是叫Hotel的,所以存放拿破崙陵寢的地方叫做Hotel des Invalides,咪以為佢係酒店.
• 法國紅酒和鵝肝世界聞名,可以去超級市場買返酒店試吓.
• Bonjour,跟我讀'磅書',這是打招呼用語,一句旁身就全法國通行.
• 坐RER B去Charles de Gaulle機場時要留意,我試過下午5點零由北站坐入去班車唔係好多人,第二年6點零坐多人到上唔到車,因為人可以迫上去但行李就上唔到,原因係班車途經嘅站係住宅區,即是早幾年巴黎發生騷亂當中一個住宅區,所以好多人搭車返屋企.仲有就係每次都去counter買好去機場嘅車票,但去到機場用張票出閘就差不多次次都出唔到,唔係我問題,因為我見其他人都一樣出唔到,最後當然係一齊跨過就算.
• 酒店同旅館都有免費地圖擺哂出嚟,有埋地鐵路線圖,想攞可以入去扮問價錢時順便攞.

想知多啲法國的資料,可到以下幾個有用的Parisinfo或Paris-France參考.

其他要注意的一般事項,可到網誌內'歐洲自助遊-我得你都得'中參考.

如果玩嘅日子耐,應該考慮買Swiss Pass,連續用4-22日不等,或Swiss Flexi Pass一個月內用3-6日不等,兩隻Pass都有頭等或2等揀,2人同行仲有折扣優惠,26歲以下可買青年証.而功用除咗同是但一款Eurail Pass一樣外,仲可以免費乘坐市內公共交通公具,免費進入某些博物館,Swiss Flexi Pass當然要個日有寫落Pass度先可免費,但係喺有效期個一個月內,無用証嘅其他日子,買火車票,遊船等等可享高達50%折扣優惠,有興趣可以去佢網頁睇吓,想買就去學聯,歐陸或其他旅行社問吓邊間平,攞証時記得對清楚個名無錯至好走.

持是但一款Eurail Pass同Swiss Pass,可免費乘坐游湖船,要注意的是,如果你張pass係一或兩個月內用幾多日果種,要坐就要填上當日日子落張pass度先坐得,唔填等如無pass,即是唔坐得.如果打算坐又唔想浪費一日証,可以晨早由第2處坐火車到埗,安頓後就去坐船,咁早hostel係未有得check in,但佢會有locker(無鎖)或地方俾你放低行李.通常會有幾間公司經營游湖船,所以上船前最好俾張pass佢睇係咪免費,因為佢同火車一樣,任你上,開出後至逐一來查,到時至發覺就只好俾錢.上船前亦要攞定張時間表睇吓,表內會清楚列出停站地方,幾點到同開,沿途可以隨便上落,如果停站地方有火車站,可考慮坐火車返轉頭都得.

依家上網買火車票有特價,但就數量有限,要買就越早越好,同埋唔可以更改同退款.佢有幾種唔同俾你揀,去到網頁,頁低有個New in the SBB Ticket Shop,按入去轉入下一個畫面,就可以買2個月內去德國,法國,意大利同奧地利嘅火車票,取票方法可揀自己print,去到當地火車站counter度攞或郵寄,如選擇自己print,就緊記帶埋佢份confirmation同買票時用嘅信用卡出發.

去番網頁,左手邊Travel in Europe下面,按Click&Rail Europe轉入下一個畫面,就會見到 :-

• Click&Rail Switzerland,唔使講都知係國內線,比正價平至少平60%,不過只預售3日,買哂就冇

• Click&Rail Europe(Germany/Austria/Italy),比New in the SBB Ticket Shop嘅特價票平些少,不過無法國同埋只預售7日.

其實城市間坐火車來回都好快,可考慮買Swiss Pass,搵一個地方做據點,再1日來回去其他城市,好處係唔使搬來搬去,例如stay Luzern或Interlaken去Bern同Zurich,想查時間表可以去網頁睇.如果打算每個城市都stay,就似乎散買抵啲. 

唔同國家嘅國鐵,都會有特價國外線火車票供網上購買,出同入都得,取票方法都係自己print或郵寄,除咗意大利(入去嘅火車票取票方法得兩種,郵寄-但只限國內,或去火車站取-又係只限國內火車站,即是出境可上網買,入就唔得,因為攞唔到)唔怕煩,可去埋網誌內 : 法國自助遊-注意事項 , 德國自助遊-注意事項  , 荷蘭自助遊-注意事項 , 意大利自助遊-注意事項二 , 比利時自助遊-注意事項睇吓邊個平啲,再決定幫邊個買,網誌內有教大家點做同佢哋嘅國鐵網址.

瑞士消費貴,住宿都貴,呢個網頁,有哂全瑞士嘅青年旅舍資料,有興趣可去睇吓同做booking,記得喺香港申請咗張青年旅舍証先好出發,話就話青年,申請同住宿都冇年齡限制.我就住過Zurich,Luzern,Interlaken同Geneve嘅青年旅舍,最正就係Geneve呢間,因我住個間係頂樓嘅雙人房連浴廁,價錢當然比住床位貴好多,但頂樓周圍係露台,可以喺房行出去兜個圈睇哂四周景色,當然包括日內瓦湖同噴泉啦.Interlaken個間都唔錯,對住Thunersee湖.

想住酒店嘅,可以去呢個叫Easy Hotel網頁睇吓,佢標榜自己的酒店平靚正,係Basel同Zurich,英國London同Luton,匈牙利Budapest都有分店,冇嘅都可以幫你search,有興趣可以去網頁睇吓.

仲有就係佢唔係歐盟成員國,所以離開時記得搵海關蓋印,無蓋印等如無做退稅,就算俾錢時已扣除稅款,佢都會經信用卡問你攞番.而每份退稅表都會有一份退稅指引俾大家參考,所以記得睇清楚.

如坐飛機出境,是在過關後於禁區內的自動櫃檯中辦理(當然最好都係睇清楚退稅指引的指示來做,因可能會有更改),只須依照指示做便可以,無論所購買的是貴重物品定唔貴重,海關都有可能會出來要求查看所購物品,故謹記不要寄倉,咁樣當然好煩,要帶哂啲戰利品上機,所以喺度買手表好啦(如果有錢).如坐火車離境或入境時就要加倍留意,最好問定查票員幾時到邊境,海關幾時上車,差不多去到邊境時一見海關人員就即刻叫佢蓋印,再檢查吓個印是否清楚.

N年前我就試過同朋友,因為大減價買咗唔少嘢(包括LV,GUCCI,水晶,衫褲鞋都有),由Innsbruck坐火車去Zurich,玩完再返香港.到咗邊境火車停咗喺度,我就坐喺度大安旨意等海關人員嚟查passport,因為有時海關會上定火車坐,去到邊境時就開始查,有時就會停喺邊境度,然後海關先上火車查,點知今次停咗一陣架火車就開番,唔見有人查,一見查票員經過梗係捉住問海關幾時嚟,佢竟然同我講如果佢哋認為架火車啲乘客係ok無問題,就唔會上嚟遂個睇,唔係啩咁俾面(雖然我哋真係良好市民),唯有等去到Zurich嘅旅客服務中心再問,佢哋當然同我講"小姐,你應該係火車度叫奧地利啲海關人員同你蓋印,你唔記得冇做我都無辦法."我就話"唔係我唔記得冇做,係佢根本無上嚟",佢就好似好無奈咁講"唔好意思,我都無辦法".點好呢,我哋兩個啲退稅夾埋都有3千幾蚊,唯一辦法就係案件重演,即係入多次境,好在個火車証仲有1日可以用,哈哈,原因係我每次上火車都唔會寫定日子落去,等查票員打開見到先寫上去,有啲以為我個証係全月通,望都唔望就走咗,所以就有剩,於是乎就揀咗個最近嘅德國城市Freiburg去,第二朝晨早起身帶哂所有要退稅嘅嘢上路,去到即刻坐返火車番嚟,一上火車已經見到成班海關人員坐咗喺第一個廂房,我哋梗係坐喺隔離個廂房睇實,一見佢哋成班出嚟即刻開門俾佢入嚟,再隊哂啲退稅表(都好多張)俾佢蓋印,可能佢哋都未見過啲咁壯觀嘅場面,笑笑口睇都無睇啲退稅品就蓋印俾番我,唉,終於任務完成.點知返到Hostel先發覺有張個印唔清楚,都無計,最後呢張梗係攞唔番錢,好在都係百幾蚊.

雖然我唔知依家會唔會仲係咁,不過講出嚟等大家有個準備.

Mendrisio有個factory outlet叫Fox Town,開星期一至星期日,網頁有哂資料.

其他要注意的一般事項,可到網誌內'歐洲自助遊-我得你都得'中參考.

以下係一些主要景點嘅網頁,網頁內有哂地址,開放時間,入場費(如需要)等等資料,有些可能唔係官方網頁,只是俾大家參考吓,用嚟預算費用.

Madrid馬德里：

• Museo del Prado普拉多博物館-網頁.
• Museo Nacional Centro de Arte Reina Sofia蘇菲亞王妃藝術中心-網頁.
• The Palacio Real皇宮-網頁.
• Plaza de Toros de Las Ventas凡塔斯鬥牛埸-網頁.

每年7月Pamplona都會有奔牛節,認識奔牛節唔係因為我去過,亦唔係每年新聞報導撞低幾多件,哈哈,係因為N年前睇咗山口百惠套擁抱,想知奔牛節詳情可以網頁睇吓.

另一個安達魯西亞省內富回教色彩嘅城市,Cordoba哥多巴,旅遊網頁.

希望以上資料可以對大家有幫助,會繼續update其他城市資料,有問題歡迎留言指教.

想check火車時間,可以去國鐵網頁睇,想買國內線火車票,去到網頁揀Online-Ticket就得,買完又係可以自己print,但無特價所以去到當地買都得.

國外線就有特價,不過無得自己print,佢會寄俾你,去德國,瑞士同意大利可以上網買,不過買票嗰頁得德文冇英文;去法國,波蘭,克羅地亞,匈牙利,捷克,斯洛文尼亞同斯洛伐克就要打去call center度book,詳情可以去網頁睇,或者可以send email問吓.

唔同國家嘅國鐵,都會有特價國外線火車票供網上購買,出同入都得,取票方法都係自己print或郵寄,除咗意大利(入去嘅火車票取票方法得兩種,郵寄-但只限國內,或去火車站取-又係只限國內火車站,即是出境可上網買,入就唔得,因為攞唔到)唔怕煩,可去埋網誌內 : 法國自助遊-注意事項 , 德國自助遊-注意事項 , 意大利自助遊-注意事項二 , 比利時自助遊-注意事項 , 瑞士自助遊-注意事項睇吓邊個平啲,再決定幫邊個買,網誌內有教大家點做同佢哋嘅國鐵網址.

維也納同薩爾斯堡嘅景點網頁,係網誌度都有講,所以唔再寫啦.

Innsbruck煙斯堡 : 天鵝仔嘅水晶世界網頁.

以下嘅城市我就未去過,不過都提供佢嘅旅遊網頁俾有興趣去嘅朋友參考:

Graz : 城市網頁或旅遊網頁.

Linz : 網頁. 

Hallstatt : 呢個位於奧地利中部城市,睇其他網友講話佢嘅湖光山色,簡直係人間仙境,有興趣可以去佢網頁睇.除此之外,仲有個有幾千年歷史嘅鹽礦,網頁內除咗有佢嘅鹽礦介紹外,亦有埋薩爾斯堡個鹽礦介紹.

Melk : 網頁.

Melk Abbey網頁.

Tirol : 網頁.

希望以上資料可以對大家有幫助,會繼續update其他城市資料,有問題歡迎留言指教.

德國市內交通公具點分,S-Bahn係市內火車如同香港嘅輕鐵,U-Bahn就係地鐵.

唔同城市都會有唔同pass供遊客選用,網頁內亦會提議你經網上訂購,不過呢啲唔係特價飛唔會買哂就冇,所以都係去到先買好啲,網頁內會話你知邊度有得買.以下係一些主要景點嘅網頁,網頁內有哂地址,開放時間,入場費(如需要)等等資料,有些可能唔係官方網頁,只是俾大家參考吓,用嚟預算費用 :-

Berlin柏林另一個旅遊網頁,市內有好多博物館同景點,亦有好多唔同種類嘅pass可供選擇:

• CityTourCard:折扣優惠進入部份景點,博物館等等,包埋免費坐公共交通工具,分48同72個鐘,Berlin AB(Berlin市內)和Berlin ABC(Berlin市內+Potsdam)2種.另一隻CityTourCard Museumisinsel就貴啲同只得72個鐘兼只限Berlin市內,但就可免費進入博物館島上的5間主要博物館(唔包special exhibitions),網頁內有哂價錢同資料等.
• Berlin Welcome Card:用法價錢等等同CityTourCard一樣,唔同嘅係佢嘅折扣無citytour card咁多,但博物館同景點嘅數目就多啲(好似Frensehturm電視塔佢都有),網頁內有哂價錢同資料等.
• 3 Day Museumspass:SchauLUST-Museen:3日內免費進入市內多間博物館,students with student ID就半價,但冇講邊種ID,所以如果你有國際學生証,有理無理都俾埋佢,睇吓買唔買得,網頁內有哂價錢同資料等.
• 如果你只對3,4間博物館有興趣或無諗住會入去睇,可以考慮只買單日交通証,有種group ticket供2-5人,但要3-5個人用先最抵,得2個人就每人買張day ticket抵啲,詳細資料可以去佢網頁睇.

Koln/Cologne科隆 :

• 旅遊-網頁.
• 科隆大教堂Der Kolner Dom-網頁.

Füssen富森新天鵝堡Schloss Neuschwanstein同舊天鵝堡Schloss Hohenschwangau網頁.

Munchen/Munich慕尼黑:

• CityTourCard:折扣優惠進入部份景點,博物館等等,包埋免費坐公共交通工具,分1日同3日,單人同Partner(2-5人),詳情可到網頁睇.
• 如果你只對3,4間博物館有興趣或無諗住會入去睇,可以考慮只買交通証,詳情可到網頁睇.

希望以上資料可以對大家有幫助,會繼續update其他城市資料,有問題歡迎留言指教.