想check火車時間,可以去國鐵網頁睇,想買國內線火車票,去到網頁揀Online-Ticket就得,買完又係可以自己print,但無特價所以去到當地買都得.

國外線就有特價,不過無得自己print,佢會寄俾你,去德國,瑞士同意大利可以上網買,;去法國,波蘭,克羅地亞,匈牙利,捷克,斯洛文尼亞同斯洛伐克就要打去call center度book,詳情可以去網頁睇,或者可以send email問吓.

唔同國家嘅國鐵,都會有特價國外線火車票供網上購買,出同入都得,取票方法都係自己print或郵寄,除咗意大利(入去嘅火車票取票方法得兩種,郵寄-但只限國內,或去火車站取-又係只限國內火車站,即是出境可上網買,入就唔得,因為攞唔到)唔怕煩,可去埋網誌內 : 法國自助遊-注意事項 , 德國自助遊-注意事項 , 意大利自助遊-注意事項二 , 比利時自助遊-注意事項 , 瑞士自助遊-注意事項睇吓邊個平啲,再決定幫邊個買,網誌內有教大家點做同佢哋嘅國鐵網址.

維也納同薩爾斯堡嘅景點網頁,係網誌度都有講,所以唔再寫啦.

Innsbruck煙斯堡 : 天鵝仔嘅水晶世界網頁.

以下嘅城市我就未去過,不過都提供佢嘅旅遊網頁俾有興趣去嘅朋友參考:

Graz : 城市網頁或旅遊網頁.

Linz : 網頁. 

Hallstatt : 呢個位於奧地利中部城市,睇其他網友講話佢嘅湖光山色,簡直係人間仙境,有興趣可以去佢網頁睇.除此之外,仲有個有幾千年歷史嘅鹽礦,網頁內除咗有佢嘅鹽礦介紹外,亦有埋薩爾斯堡個鹽礦介紹.

Melk : 網頁.

Melk Abbey網頁.

Tirol : 網頁.

希望以上資料可以對大家有幫助,會繼續update其他城市資料,有問題歡迎留言指教.

可能去到歐洲,重回呢個花花世界,暫時唔使再煩工作上嘅嘢,和對住嗰啲帶住假面具兼口是心非嘅三八,個人完全輕鬆哂,簡直將所有嘢忘記哂.

去到維也納,行行吓街,突然便急要解決,好在有間大型百貨公司係度,拿拿聲入去搵廁所,睇見Herren,Her喎,仲唔係女廁,入到去見到啲尿兜至醒起,Herren係男唔係女,即刻走返出嚟,好在無人.

唔知係咪食錯嘢定有些少水土不服,第二日去到香布倫宮,正當打算行上小山丘時,又突然嚟料,拿拿聲走返入去皇宮找廁所.正當解決之際,突然有兩個男入咗嚟,心諗呢兩條友有冇攪錯,唔睇清楚就入嚟,想出去嚇吓佢時,又入多兩個,死啦,唔通今次我又入錯,但係我明明睇清楚兼夾冇尿兜喺度喎,無計,唯有等佢哋走哂至出去.

等咗一陣又有人入嚟,依,今次係班女人嚟喎,點解佢哋好似無事發生咁嘅,你有你講,佢有佢講,互當透明,唔通呢度興男女同廁,唔係啩,即刻行出去睇,只見班女人就喺度對住塊鏡,一面化妝,一面傾計,班男人都喺度傾緊計,但係點解唔見人嘅,廁格啲門開哂無人喺入面喎,日光日白,唔係咁猛啩,再望真啲,原來廁格後面幅牆無起到上頂,條空隙有成2呎咁多,所以隔離男廁啲人喺度講嘢,呢面都聽得一清二楚.我就係咁喺廁所度攪咗差不多半個鐘,至返番出去.

每個星期日(6月尾-9月初除外),維也納兒童合唱團都會在Hofburg皇宮內Burgkapelle禮拜堂的彌撒中獻唱聖歌,如果想欣賞他們的歌聲,就要早啲買飛.

在環城大道外的Stadt Park市立公園,內裡有一尊拉著小提琴,金光閃閃的雕像,他便是華爾滋之皇Johann Strauss約翰史特勞斯,除他之外,尚有Schubert舒伯特等等的音樂家和藝術家的雕像,位於地鐵U4線Stadtpark站.

位於地鐵U2線Schottentor站附近的Pasqualatihaus館,Beethoven貝多芬曾經在此居住,現在是博物館.

Haydn Wohnhaus海頓博物館,位於地鐵U3線Zieglergasse站附近的.

舒伯特故居位於地鐵U6線Nussdorferstr.站附近,現在是博物館.

Ankeruhr鐘,位於兩座大厦中間迴廊上的掛鐘,每逢整點,都會有不同的歷史人物,配合埋當時的音樂出來報時,每當正午,就會全部12個一齊出來報時,坐地鐵於U1和U4線的交匯點Schwedenpl.站落車,行5分鐘便到. 

如果肯花錢又要一早由南站坐火車的話,可考慮住這間位於南站對面的4星酒店Hotel Prinz Eugen,詳情可前往此網頁http://www.austria-hotels.at/hotel-prinz-eugen/index.html睇,網頁內尚有其他酒店可供選擇,不過想平靚正就梗係住青年旅舍啦.

可先選擇乘坐1或2號電車,沿著環城大道坐一個圈,再落車逐一參觀.

亦可坐地鐵U2線於Lerchenfelder Strasse站落車,出站後向前行,便是Parlament國會大廈,大廈前的雅典娜女神像,它們的公車站,同香港差不多Naturhistorisches Museum自然史博物館和 Kunssihistoriscles Museum藝術史博物館,兩座館中間的公園內,放置著奧地利國母瑪利亞女皇的雕像.

博物館對面是Hofburg皇宮,可先到它的網址了解一些基本資料www.hofburg-wien.at.於皇宮前坐馬車來遊覽都唔錯,內裡布滿不同的雕像,亦有很多不同類型的博物館,和歷史悠久的騎術學校Spanische Reitschule等等.皇宮花園內的莫札特像.哈哈,而我本人認為最重要的一條路是:內進皇宮後,會看見Franz I雕像,雕像旁邊的建築物,是她的愛妻Sisi Museum,聽說奧地利的少女,好喜歡模仿她的打扮,雕像對面是Schweizerhof瑞士宮,向前望會看見這個拱門,是哈布斯堡家族舉行重要儀式時的必經之路,Franz I和Sisi舉行婚禮時都有行過,我當然都要來回穿梭,扮吓貴族都好,雖然無坐馬車,穿越拱廊,來到另一方的Michaelkirche米高門,門兩旁的雕塑,前方是Michaelerplatz廣場,廣場前的Kohlmarkt街是名店街,LV就在這兒.沿路行至轉入Graben街,便會看見Pestsaule黑死病紀念柱.再往前走,便是Stephansdom史提芬大教堂,它的網址www.stephanskirche.at,可行343級樓梯登上鐘樓頂觀看,內裡的 禮拜堂.

置身其中,除可觀賞各式各樣的音樂會和歌劇外,更可觀賞其設計獨特的新穎建築.

它亦有為遊客而設的Die Wien-Karte-The Vienna Card,持咭前往各個博物館,皇宮等等的地方,就連聽音樂會,都可享折扣優惠(併非免費),不過就只得三日証選擇,如只停留一至兩日,又不大喜歡逛博物館的話,可考慮只購買1日乘車証,或計算清楚才決定購買邊一種.

遊覽維也納,可大致分成三個區域,就是火車南站區,環城大道區和香布倫宮.

從地鐵U1線Sudtiroler Pl.站落車,向著Sudbanhnhof火車南站方向行,便可看見Schloss Belvedere,分上宮和下宮兩座建築.上宮Oberes Belvedere,內有Osterreichische Galerie畫廊,展品包括年輕風格畫家Gustav Klimt的Der Kuss吻等的畫作.上宮和下宮Unteres Belvedere之間有個法式庭園相隔,到達下宮,記得進內參觀內裏金碧輝煌的宮室,下宮亦有畫廊,不定時展出世界各地的畫作,詳情可到它的網址www.belvedere.at查詢.

下宮後方是Hochstrahl Brunnen噴泉.

從噴泉向前行再轉左,便會看見這座有別於一般教堂的Karlskirche教堂,還有設計獨特的Karlsplatz Pavillions,內有咖啡館和畫廊.

外形像西蘭花的 Secession會館,是展覽會場.

有興趣可到http://info.wien.at/找所有詳細的旅遊資料.

除咗之前介紹過嘅Schloss Mirabell宮和 Residenzplatz宮,尚有幾處位於南岸的郊區.

Schloss Leopoldskron,就是男主角的家,可坐 22號線巴士在Konstanze-Weber-Gasse站落車再行入去,如有興趣入住感受吓貴族生活,可到它的網址www.schloss-leopoldskron.com查詢.

Schloss Hellbrunn,可坐25號巴士於同名的車站落車,由於堡內有動物園的關係,未到已可聽見動物叫聲,此宮內有個Trick fountains蠱惑噴泉遊戲,會在你不為意的地方噴水,一定要跟導遊團才可入內,打算參觀就最好著定雨衣.宮內有個小山,可從山上瞭望山下的花園和薩爾斯堡市,有興趣可到它的網址www.hellbrunn.at查詢.

從Schloss Hellbrunn向前行大約10-15分鐘,便是Schloss Anif,不對外開放.

坐巴士時要注意,因市內有些道路是單線行車,所以來回程的車站未必在同一條道路上.而坐巴士前往以上地方時更要留意,因為如果無人上落車,巴士係唔會停,諗住數車站來預計係冇用,最好叫司機提示叫你落車,唔係過站都未知,雖然巴士上會有站名廣播,但你未必識聽.

除此之外,城外仲有個Salzwelten Salzburg鹽礦,有興趣可以去睇吓,佢嘅網址http://www.salzwelten.at,打算去的話,買套票抵啲,買套票嘅網頁有哂資料.

遊覽完莫札特故居出來向左行,會看見每間店舖均掛上鐵鑄的招牌,令人有如置身於中世紀,兩旁店舖林立,又是購物時間,不要錯過一些橫街窄巷,因為內有乾坤,而最難得的便是連LV尊門店都有.

不喜歡購物的話,可影完到此一遊相後,由故居向右行至Judengasse街,一直行到街尾,便是Mozartplatz莫札特廣場,正中央有他的塑像,廣場旁有間旅遊資訊中心,可進內查詢音樂會資料,廣場旁的Dom大教堂,

大主教的皇宮Residenz,旁邊的博物館Salzburg Museum Neue Residenz,山上的Festung Hohensalzburg城塞,亦是大主教的居住地,是中歐現存最大和保存得最好的一座,可從山下坐纜車或步行前往,記得內進參觀.

這裡是天才音樂大師莫札特Mozart的出生地,大大小小的音樂會,在這裡可說是全年無休,喜歡聽音樂和歌劇的朋友,就千萬不要錯過.

最好當然是買張Salzburg Card,又是可免費搭乘公共交通工具和免費或享折扣優惠於進入各個博物館,美術館和觀光點等等.

城市遊覽,可分為三部份,Salzach河的北岸,南岸和南岸外的郊區.

首先從北岸開始遊覽,在Hauptbahnjof火車站搭乘1,2,3,5,6,25或840號線巴士,在Mirabellplatz廣場站落車,便會看見Schloss Mirabell宮,宮前的花園,曾經是大主教的行宮,向前行,到達Makartplat廣場後,便會看見Mozarts Wonhaus莫札特之家,他們一家從1773-1780年,就是在此居住,內裡展出當時的日常生活用品和建築物的歷史.它於第二次世界大戰時,被空投炸彈炸毀了三分之二,當時的屋主將此三分之二的地方賣了給私人公司,輾轉到了1994年,才由Int'l Mozarteum Foundation基金買回來,拆卸重建成昔日的舊貌,連同未被破壞的三分之一的地方,一同供遊人欣賞.

離開莫札特之家後,再往前走,到達Platzl廣場,橫越Staatsbrucke橋,便到達南岸的舊城區.

有興趣可至它的網址www2.salzburg.info/找資料.

熱愛水晶的話,更加不可錯過前往天鵝仔嘅水晶世界參觀,網頁http://kristallwelten.swarovski.com/Content.Node/startseite.php.最好當然是買張48個鐘嘅Innsbruck card,可免費搭它的穿梭巴士前往外,更可免費入場,除此之外,當然還包括免費搭乘市內的交通公具和參觀所有博物館,美術館,皇宮等等.

舊城區距離火車站很近,徒步前往已可以.從火車站出來沿著Salurner Strasse街往前走大約5分鐘,便會看見這座Triumphpforte凱旋門,是Maria Theresien瑪利亞特瑞沙女皇,為慶祝兒子跟西班牙公主結婚而興建.可惜在興建途中,她的丈夫驟然離世,故此她變更了凱旋門北側的設計來作哀悼.這位哈布斯堡家族的瑪利亞女皇相當利害,點利害,她在20年間,生咗16個小孩,還要一面掌控國家大事,仍然打理得井井有條,事事為國民操心,故此被他們擁戴為國母. 穿越凱旋門,沿著Maria Theresien Strasse街一直行,看見大道中間的Annasaule聖安娜紀念柱,後方便是Altstadt舊城區,主要觀光點均集中於此:

市政廳旁的Stadttrum高塔,可登上塔頂觀看,

擁有精緻外牆的Helblinghaus宅第,

Goldenes Dachl黃金屋頂,是Maximilianeum皇帝為了觀賞廣場舉辦的活動而興建,內有博物館,展示出皇帝的寶物.

除此之外,尚有Hofburg皇宮和它旁邊的大教堂,還有數間博物館可慢慢欣賞.

如有興趣,可前往煙斯堡的旅遊網址www.innsbruck-tourism.at/查詢所有資料.

統治咗奧地利差不多有六百幾年的歷史嘅Habsburger哈布斯堡家族,一直利用政治聯姻來擴大國家版圖,將它打造成歐洲第一大帝國,版圖遍及捷克,匈牙利和以前的南斯拉夫等等.直至最後一位皇帝Frantz Josefs I而結束,奧匈帝國就是他在位時於1867成立,不過佢晚年嘅命運都幾悲慘,首先是長子離奇自殺身亡,然後是他的愛妻,Kaiserin Elisabeth伊利莎白皇后,人們稱呼她Sisi,在瑞士被暗殺,到1914年,他的侄子皇儲Franz Ferdinand von Österreich-Este斐迪南,在視察Sarajevo時被暗殺,亦因此爆發第一次世界大戰,戰敗後,捷克,匈牙利和南斯拉夫等等相繼宣佈獨立,奧匈帝國宣佈瓦解.

講咗咁多歷史,係時候講返正題:

• 這兒主要用德文,故此有兩個字就一定要記得,就是Damen女廁和Herren男廁,咪見到Her就以為是女仔咁解.
• 這裡隨處都可找到公共廁所,不過全部都要付費,記得留定啲小額硬幣.
• 這裡的青年旅舍,是我住過咁多歐洲國家中,最好和最豪華的,不只雙人房有獨立浴廁,連四人房都有.係維也納,有些旅舍更位於市中心,十分方便.
• 一間間商店的櫥窗,均放滿用莫札特個樣做包裝嘅朱古力,在內購買當然是包裝得相當精緻,若果唔計較包裝問題,在超級市場購買會比較便宜.
• 在這裡搭乘公共交通工具,即是巴士,地鐵和電車,你會發覺查車票的情況少之又少(其實好多歐洲國家都係),唔買都得,可慳返唔少,我亦試過,但問題是整個過程均提心吊膽,驚被人查要罰錢,所以呢啲錢真係唔慳得.

有興趣,可到它的網址參考www.austria.info/.

其他要注意的一般事項,可到網誌內'歐洲自助遊-我得你都得'中參考.