以下係一些主要景點嘅網頁,網頁內有哂地址,開放時間,入場費(如需要)等等資料,有些可能唔係官方網頁,只是俾大家參考吓,用嚟預算費用.

Madrid馬德里：

• Museo del Prado普拉多博物館-網頁.
• Museo Nacional Centro de Arte Reina Sofia蘇菲亞王妃藝術中心-網頁.
• The Palacio Real皇宮-網頁.
• Plaza de Toros de Las Ventas凡塔斯鬥牛埸-網頁.

每年7月Pamplona都會有奔牛節,認識奔牛節唔係因為我去過,亦唔係每年新聞報導撞低幾多件,哈哈,係因為N年前睇咗山口百惠套擁抱,想知奔牛節詳情可以網頁睇吓.

另一個安達魯西亞省內富回教色彩嘅城市,Cordoba哥多巴,旅遊網頁.

希望以上資料可以對大家有幫助,會繼續update其他城市資料,有問題歡迎留言指教.

正所謂樹大有枯枝,雖然西班牙人好客又熱情,但總會有啲頑固又討我厭嘅人存在.

有次一大早坐觀光巴士,打算由西班牙廣埸坐去皇宮,雖然得一個站,又好近,但係反正買咗飛,梗係要物盡其用,咁啱架巴士得我同朋友兩個搭,明明已經按咗個落車鐘,點知個司機飛站,同個售票員講,死話我哋無,跟住又話過咗站唔停得,搞到要係下個站皇宮花園度落車,行返轉頭;你知啦,皇帝啲花園鬼使咁大,唯有當晨運.心諗依家溝通唔到,亦唔想浪費時間,返到香港再投訴你哋.

參觀完後再坐巴士去普拉多美術館,真係咁啱又係嗰架車,上車後個售票員都認得我哋,仲同我哋,我唔可以失禮香港人,雖然仲好,都有同佢笑吓.參觀完後又坐巴士去雷提洛公園,心諗唔會又咁啱啩,點知真係又係佢,真係如果有興趣追佢嘅話,就可以搭呢架巴士扮邂逅;坐低後,仲見佢靜雞雞攞盒飯出嚟食,真係幾淒涼,連飯都要係度食,如果撞正肚瀉唔知點呢;睇見咁嘅情形,原本心入面嘅,都熄咗,心諗大家都係打工仔啫,佢哋又唔係有心飛站,投訴佢我又冇好處,正所謂得饒人處且饒人,算數啦.

我成日話歐洲人嘅英文同我差不多,就係半桶水.話說有次去火車站買飛,個職員問我,cash or credit card,係香港講慣簽咭,我當然答佢card,兼且都已經揸住係手,條友列印完一大云後同我收錢,當我俾張咭佢時,佢即刻,再揸住我張咭,懶係字正腔圓咁教我讀"credit card",然後將啲飛取消哂再編過.如果佢想學中文,我一定會教佢乜嘢叫做"吹毛求雌",都係一樣嘅飛,使唔使再列印過,佢個system咁大問題,換過哂佢啦.佢自己更係大問題,明明睇住我揸住張咭,唔係諗住攞嚟碌,唔通用嚟刮面.

雖然佢哋幾騎呢,不過都有啲好人嘅.

好似去到馬德里間平價旅館,由於時間尚早,得個清潔婆婆開門俾我哋,我叫佢減吓啦,佢又真係減俾我喎.

終於都等到協議停火,重唔無鞋挽屐走,拿拿臨計劃行程,即刻出發,唔係有乜變卦,就後悔莫及.可能他們都發覺到"本是同根生,相煎何太急",正所謂國家好,就大家都好.至於治安問題,只要嚴守我自己嘅宗旨,唔出夜街,唔好著得太光鮮,事事小心,應該都萬無一失.

玩完之後至發覺,真係"我來晚了",若果比我揀,我情願去西班牙都唔去英國,好處如下:-

1. 當然是氣候暖和,太陽伯伯成日都照耀著.

2. 啲嘢好好食,西班牙海鮮飯,Tapas,火腿加密瓜等等,仲有喺小型雜貨店度買嘅即炸薯片.

3. 治安一啲都唔差,啲旅遊書話連警察都有午休,午休是犯罪黑點,但我覺得都ok,亦可能是我著得不夠光鮮.而晚上都有出去,除咗流連於酒店附近行街食嘢外,喺塞維亞,去得遠就坐的士來回,真係去過咁多次歐洲,都未試過用的士代步.喺馬德里同巴塞隆納,因為酒店附近是購物區,街上又人頭湧湧,shopping完至去食晚飯都得.但亦不要因此樂極忘形,大家仍要事事小心,除咗之前講過個細路想搶錢俾我趕走外,坐地鐵當人多時就要抱實個袋,因為啲扒手真係好猖狂,因我試過有個黑人肥婆夾硬迫入嚟,之後就感到有人試圖想打開我個袋,最攪笑是開極都開唔到,原因是我個袋是揹喺外套內,多得她龐大的身軀迫實我同件外套,她的同黨應該不知道,所以只是在外套週圍起勢搵,而我就開聲同朋友講(雖然她唔知我講乜,但應該估倒)兼啤實個黑人肥婆,佢就扮唔知,但可能發覺得唔到手兼俾我啤實,一到下一個站就拿拿臨落車.所以我提議大家坐觀光巴士,除了是方便外,冇位坐或人多可以唔上車等下一部,兼價錢貴,斷估啲扒手唔會咁大手筆肯俾錢買飛啩.

4. 風光明媚,特別是安達魯西亞省內的城市,加上太陽伯伯嘅眷顧,成日都陽光普照,令到啲景物睇起嚟都新啲,sharp啲.

5. 熱血沸騰兼熱情+激情都澎湃,請勿誤會,我是指鬥牛和佛來明哥舞.

6. 仲有就係每位女士都喜歡睇嘅:靚仔,唔信,新舊西班牙皇子已經係人辦啦,可惜新嗰個費蘭度已經轉咗會去利物浦.

嘩,真的是太多不能盡錄,唔信你都去親身感受吓,哈哈,我都去咗兩次啦,仲打算遲啲再去.

出火車站,首先經過郵輪和貨船碼頭,再沿海傍向前走,欣賞一下沿岸的Cadiz bay景色,然後再走入市中心,欣賞城市風貌.

La catedral de Cádiz加的斯大教堂.

市內的古舊建築物.

廣場正在籌備嘉年華會,街頭巷尾充斥著各式各樣的裝飾,,行倦了可隨意坐下休息,亦可找間餐廳坐低飲吓嘢閒話家常,一到用餐時間,餐廳便會坐無虛席,好難搵位,所以最好早啲霸定位.

有興趣可到它的網誌http://www.cadizspain.net/查詢.

舊城區內的羅馬水道橋Aqueduct,這道用了20040顆石頭堆砌而成的水道橋,沒有用釘和繩都可以咁穩固,古時羅馬人的智慧真係利害.旁邊有間出名的餐廳,好多名人都曾經幫襯過食烤乳豬Cochinillo Asado.

古樸的建築物隨處可見. 

從水道橋一直向前行大約15分鐘,就會看見阿卡沙堡Alcazar,據說白雪公主城堡就是以它為籃圖.

想知多些資料,可以去呢個 : 官方旅遊網頁睇吓.

曾經滄海-阿度查火車站Estacion de Atocha.

當地市民的早餐A,一份'炸油條'搭一杯橙汁和熱朱古力,唔夠可以叫多條食.

請勿誤會,唔係層樓大減價.

西貝流斯廣場Plaza de la Cibeles,皇馬慶祝的指定埸地.

和廣場遙遙相對的Puerta de Alcala阿加沙門．

Museo del Prado普拉多博物館後的雷提洛公園Parque del Retiro,是當地市民的休憩場所，有興趣可以嚟泛舟湖上,帶埋食物來野餐,又或者幫襯占卜攤販,check吓運程都得,如果你聽得明佢講乜,公園內的Palacio de Cristal.

大廣場Plaza Mayor,廣場內佈滿露天茶座,廣場內有無數的出口,從這個出口行落嚟,就會看見這間餐廳,在這兒可吃倒塞哥維亞的名菜-烤乳豬.

不同角度欣賞皇宮,皇宮前的Plaza de Oriente東方廣場,皇宮對面的Catedral de la Almudena大教堂,是馬德里的第一座教堂.

Plaza de Toros de Las Ventas凡塔斯鬥牛埸,有興趣可買張飛欣賞鬥牛表演,不過夏季至有得睇.

赫雷斯內有6,7間酒莊可供遊客參觀,而我就揀咗干沙力Gonzalez Byass,因它的釀酒歲月是最悠久的,它的網頁http://www.bodegastiopepe.com/noticias.php.

由火車站行去酒莊,大約半個鐘,唔駛驚迷路,有地圖指示,可邊行邊欣賞沿途景色.女士們請放心,沿途有商店和露天市集.

離遠已經見到幾個大酒桶模型.

在這裡等候出發,整個旅程大約1個鐘.

唔駛怕行到腳軟,小型火車會帶我們去參觀.

嘩,好多酒桶.

參觀完畢,就會來到這兒,試飲它們的出品,不過,對一個唔識又唔鍾意飲酒的我嚟講,真係蝕錢,於是乎我都唔執輸開咗枝來試,嘩,好鬼苦,唔明其他人點解可以飲得落,唯有食返啲嘢補數.

最好係猶太區Santa Cruz找酒店落腳,因這裡布滿酒店和餐廳,方便搵食,又貼近旅遊點,從火車站Santa Justa Train Station坐的士大約5歐羅,好過坐巴士,叫司機去Av de Menendez Pelayo街,在Calle Santa Maria la Blanca的街口落,落車後再行入去,成條街同佢附近啲橫街,全都是平價旅館,酒店,餐廳同商店,不過有啲平價旅館是無lift要自己行樓梯,我就住係其中一條橫街入面,叫Hotel un Patio en Santa Cruz嘅2星酒店,好處係有lift搭,網頁http://www.patiosantacruz.com/en.html.

街上種滿橙樹,聽講它是屬於所有市民的,不可隨便採摘.

這裡的旅館,可分成天堂和地獄,天堂旅館的大堂,裝飾得美輪美奐,至於地獄,唔係話佢差,只係冇靚靚嘅裝潢,不過總算環境整潔,但價錢就平好多,不過是用公共浴廁,如房內有埋就會貴啲,不過就好有地道感覺.

Alcazar阿加沙宮入口,內裡充斥著阿拉伯式的建築,內部鋪滿色彩艷麗的瓷磚,令我想起屋企啲瓷磚點解無咁靚,哦,驚老咗時睇到眼花.花園內一樣種滿橙樹,無分彼此,仲熟到跌哂落地爛鬼哂,但聽講啲橙好苦,所以無人食,好彩,仲諗住可以執返個做飯後果.,佢嘅網頁http://www.patronato-alcazarsevilla.es

真正的西班牙廣場Plaza de Espana,紅色的磚加上鮮艷的瓷磚,有如置身於中古時代,如果可以租埋套宮廷服嚟著,坐上馬車繞城一週,哈哈,幾咁優美.阿加沙皇宮前有馬車出租,大約40歐羅一車,可坐四個人.

Regional Archaeological Museum

搭火車(快車如AVE除外)回程時,可以係Santa Justa站前SAN BERNARDO站落車,出火車站向左行,會有間大型超級市場.

可到http://www.aboutsevilla.com和http://www.andalucia.com/cities/sevilla.htm參考旅遊資料

如果冇買pass,散買火車票時,有幾點要注意 :

• 買國內線火車票時,如要來回的話,最好即時買來回票,有折扣優惠,單程冇,上網買同去到當地火車站counter買都得,不過上網買會方便些,因為可以免除語言溝通問題,同埋上網買有部份有特價,係web呢行如有票價即是有網上特價票,冇價錢即是冇特價.可去國鐵網頁https://w1.renfe.es/vol/睇,上到網頁要等約20秒至出哂所有晝面,耐唔耐又會要你try again later,哈哈,可能午休,如果係就要遲啲再去.
• 某些國外線火車票有特價,不過只得由馬德里去法國,或由巴塞隆納去法國,意大利同瑞士的火車票才有,網頁有路線圖話你知邊個地方有特價,不過就要去法國國鐵個網頁度買,取票方法有3種:自己print,郵寄或親身到取.如揀自己print或郵寄火車票,可以去網誌內:法國自助遊-注意事項睇,有詳細講解點買.
• 去意大利只得郵寄,如果唔想郵寄,可揀親身到取,不過就要去呢個西班牙文http://www.tgv-europe.es/es/home/嘅法國國鐵網頁度買,去到首先係中間紅色個格度,Salida desde入起點,隔離Con destino a入目的地,揀Ida simple單程,入好日子同Numero de pasajeros人數後,按busqueda,就會轉去下一個畫面,show哂日期時間同價錢出來,揀第一個價錢,再按Elegir Mi Asiento,就會見到Cabina T2(2camas)即是2人房,Cabina T4即是4人房,揀好想要的房類,就會彈出一個真正的價錢出來,揀橙色格便是特價,揀好後再按Elegir Mi Asiento,Altura de litera床位方面,兩個人住雙人房當然唔使揀,唔係就最好揀Alta上格床,Baja係下格床,下面Sexo內,Hombre男,Mujer女,揀好哂後按elegir esta ida轉落下個面,就係你的order summary,冇問題就按Confirmar su seleccion轉去下個畫面,取票方法,揀Para poder.......,即是親身到SNCF在馬德里的辦事處取票,要注意的是要俾5歐羅手續費同只得馬德里有辦事處,開星期一至五上午10點到下午7點,即是如由巴塞隆納坐火車走但又唔經馬德里的話,就要揀郵寄.揀好後就喺下面入個人資料(買幾多張飛都只需入信用卡持有人的資料就OK),Tratamiento性別Senor先生Senorita小姐Senora女士,Apellido姓Nombre名,Direccion electronica電郵地址Confirme su direccion electronica確認電郵地址,入好後最低下click:Senalando esta........再按Validar轉去下個畫面,入埋信用卡,N de targeta信用卡號碼,Expira fin到期日,Codigo de seguridad信用卡號碼後的保安碼(一般是3個),最後按Confirmar y pagar su compra就大功告成.去到馬德里帶同佢send俾你嘅confirm email同信用卡去攞就得啦.
• 國內有幾種快車,買咗pass都要補錢至坐得,詳情可去網頁睇.

其他一般要注意的事項,如下 :

• 商店的開門時間同其他歐洲國家不同,多數由早上9:30或10:00至下午1:30,之後便是午休,要到4:30才再開門營業(幾識嘆),到晚上8:00關門.大型連鎖店如Zara和H&M,百貨公司如El Corte Ingles和超級市場是沒有午休兼一直開到9:00或10:00才關門,入去前記得睇清楚關門時間再慢慢選購.星期日所有商店均休息.
• 晚餐時間一樣唔同,是由8點開始,所有餐廳(包括中國餐館,快餐店除外)要8點後才開門做生意,如要用餐,可考慮到酒館或小餐館(雖然有開,但都唔會有晚餐食,因大廚未返)內試試他們的Tapas開胃菜,冷熱都有,雖然細細碟,但可叫多幾款試吓,必食的有炸魷魚圈,炸洋蔥圈和火腿,其他還有各式各樣的沙律,醋漬魚等等,若果唔夠,還有三文治可食.
• 早餐(在馬德里)可嘗試吃Churros,和我們平時食的油條(油炸鬼)很相似,不過它是單條和浸落咖啡或朱古力度食.至於午餐和晚餐就記得要試吓海鮮飯Paella(全國都有).
• 想睇Flamenco,便要去表演酒館Tablao內欣賞,大約20歐羅連一杯飲品,連晚餐大約35歐羅起.
• 鬥牛由每年的四月開始至十月止.
• Halo,跟我讀'好隙'或'柯娜'都得,這是打招呼用語,一句旁身就全西班牙通行.
• 由於天氣唔似其他歐洲城市般寒冷,故此每個城市都好好好多人在遊覽,連冬天這個淡季都唔例外,要有心理準備同人迫.
• 西班牙人喜歡站在吧台前一邊飲咖啡,一邊同朋友吹水(談天說地),如果你唔怕企到腳軟,可以試吓.
• 行行吓街,警察埋嚟話查証件就要小心,睇清楚真定假,當然冇可能識分,呢個時候就要小心,聽網友講有朋友係巴塞隆納,就係咁俾佢騙錢.我都有朋友同樣係巴塞隆納,有人埋嚟話幫佢祈福,叫佢俾個硬幣佢,俾完話呢個唔得要第2個,再係另一面衫袋搵俾佢,做完一輪所謂法事後就原物歸還,點知後尾至發覺當中一個袋啲錢無咗.其實唔止係巴塞隆納,去到每個城市都應該小心.

  想知多啲西班牙的資料,可到以下幾個有用的網址參考:

  http://www.spain.info/ 英文

  http://www.okspain.org/ 英文

  http://www.spain.info/cn/TourSpain中文(簡體字)

  其他要注意的一般事項,可到網誌內'歐洲自助遊-我得你都得'中參考.

就算是淡季亦要排大半個鐘才買到飛,故可考慮網上預購門票,網址www.alhambra-tickets.es,由於要控制人流,每張門票上均會列明參觀皇宮Palacio Real的入場時間,千萬不要忘記,而其他地方是沒有時間限制.

由此路往,皇宮內別緻的摩爾式雕刻隨處可見,遊客亦是隨處可見兼無處不在,想影張無人的全景相都好難,當A團隨導遊走後,B團會緊接著出現眼前,都仲未走C團已經入埋嚟,如打算拍部千軍萬馬的電影,喺度拍唔使驚揾唔倒臨記,

位於皇宮對面的Alcazaba.

從皇宮遙望對面山的村莊.

行完後,可到山下的路天茶座坐低飲啖茶食個包(阿拉伯嗰種).

如打算去齊所有博物館,美術館等的話,當然是用Barcelona Card比較划算,如只想到處遊覽,就應選擇坐觀光巴士,想再便宜的話,可考慮Travel Cards,於有效期內可無限次搭乘所有公共交通工具.詳細資料可到此網址www.barcelonaturisme.com/查詢.

**坐夜機離開就要留意,可先到Estacio Barcelona Central-Sants火車站將行李放入locker,玩完回來取回行李再坐火車去機場.你會發覺周之無日都有一大班人排隊買票,所以最好在自動售票機度買,唔使排隊,原因係只得西班牙文無英文,所以唔使排隊.第一次諗住好醒寄完行李買定票唔使返轉頭再買,買票時我已同個售票員講要下午6點嘅火車,佢嘰嘰喳喳指住個時間唔知講乜,大佬我鬼識西班牙文咩,佢見講極我都唔明,就買咗張票打發我走,到我玩完返轉頭坐車至發覺入唔到閘,搵職員問至知啲飛已經過鐘,原因大意係啲飛一買出就要係有限時間內用,今朝條友應該都係講呢啲俾我知,我當然同佢講關我鬼事係你識員買俾我無理由唔俾我入,唔理佢明唔明都好,最後佢開咗入閘機隔離度門俾我哋過.第二次我醒啦,臨上車至去自動售票機買,一見有人買完即刻埋去叫佢教我買,哈哈.入閘後最好去到正確月台,唔好咁快落去住,睇住電視見到去機場班車就到啦再問吓人至好落,因為同一個月台會有唔同嘅車進出.

現在就來開始高迪之旅:

巴提洛之家 Casa Batllo,網頁http://www.casabatllo.es.斜對面是              

米拿公寓 Casa Mila,又名La Pedrera,網頁http://www.lapedreraeducacio.org/flash.htm,而它所在的這條街道Passeig de Gracia,兩旁商店和名店林立(LV,GUCCI,ZARA,LOEWE,......)哈哈,又可以買個夠.

聖家族教堂 Sagrada Familia - 人面全非,依舊努力興建,網頁http://www.sagradafamilia.cat

奎爾公園 Park Guell,網頁http://www.barcelona-tourist-guide.com/en/albums-en/gaudi-park-guell

由這個獨特的入口上去,

樓梯中間有隻好大的變色龍,

 行完後,

  可到入口旁邊這個鮮豔奪目的商店買點紀念品.公園是免費進入,而公園內高迪嘅住宅,依家變成博物館就要收費,網頁有介紹http://www.casamuseugaudi.org/cat/index.htm       

奎爾宮 Palau Guell-天台上的獨特設計,是煙囪還是蘑菇,自己幻想吓啦,網頁http://www.palauguell.cat

(閱讀全文)

除了此咭外,尚有其他証可供選擇,如對去博物館和美術館參觀沒有太大興趣,可考慮購買Tourist Travel Pass交通証,分1,2,3,5,7日,價錢當然比較便宜得多,可免費搭乘所有公共交通工具,這裡的地下鐵同樣是四通八達.

Madrid Card Cultura除可免費進入市內多達40間的博物館外,美術館,皇宮等等都是免費.

大家可因應自己的喜好來選擇購買那一張,但我認為買張Madrid Card已有齊以上三種效能,雖然貴啲,不過一張証搞掂唔駛煩,兼可免費坐埋纜車.大家可到網頁參考點併會便宜啲,網頁會叫你即時經網上購買,但呢啲唔係特價票,唔會買哂就冇,所以去到再買都唔遲.

 太陽門Puerta de Sol內的熊人爬樹像,是馬德里的象徵,這兒是馬德里的中心位置,熊人身後店舖林立，大家又可以睇和買個夠,沿路行落去,便是這裡最繁忙嘅Avenida Gran Via街,我住嘅旅館Hostel Lauria就喺呢條街某座大廈內嘅4樓,放心有lift搭唔使自己行樓梯,大廈內仲有其他旅館,住喺度都好方便,樓下有間士多,附近又有餐廳,酒吧,雪糕店同商店,對面街就係地鐵站,有興趣可以去網頁睇吓http://www.hostal-lauria.com/indexenglish.htm.  

大廣場Plaza Mayor,中心矗立著建造者Felipe III的騎馬像.

西班牙廣場Plaza de Espana內的塞萬提斯像,他是西班牙的著名文學家,前方的雕像便是他所寫家喻戶曉的故事人物,騎馬嘅係唐吉訶德,騎驢嘅是他的侍從.

The Palacio Real皇宮,呢個梗係御花園啦,想知多些資料,可去網頁睇.