當身邊朋友知我打算前往,紛紛勸說好悶,無嘢睇,唔去好過,但我已經買咗機票,仲係特價無得改嗰種,心想唔會真係差得咁誇張啩.

從機場坐巴士出市中心,沿途啲建築物真係幾舊,不過我住嗰間酒店都幾新,最重要它是三星級,但只是其他西歐國的二星級價錢,抵.

安頓後當然是做指定動作,市內觀光兼行街shopping,由於酒店就在Rossio區,附近是購物區,行到天黑收舖食完晚飯先返酒店,治安都幾好,最重要唔駛搭車咁煩.

途經一間餐廳,睇見用嚟炸豬扒嗰鍋油,真係眼不見為淨.

第二日一早坐電車前往此行的目的地Belem區,去到傑洛莫尼修道院,嘩,真係好大,點影都影唔哂成座,幾經遷就至勉強影得哂,參觀完後,就過去對面座發現碑,呢個就真係無乜特別,唯一好處是可以坐升降機上碑頂觀望週圍景致,不過嗰頂好細.

之後再沿海傍行去貝倫塔,影完相見入面無乜人,當然快手快腳行去參觀,點知原來無人係因為無開,無開係因為正在罷工,唔係啩,長途跋涉,山長水遠來到咁攪,點算好,唔通破門入去咩,阿媽話生不入官門喎,唯有失望而回.

原本我都好贊成啲工人為自身應有的權益而去鬥爭到低,不過依家攪到我不得其門而入,真係唔知贊唔贊成好!!!!!!!

最後一日,由於去咗仙查度參觀畢拿皇宮,回來後趕唔倒去Alfama區,唔通真係整定要來多次.

呢個城市都幾好,啲嘢唔係太貴,風景亦優美,好在無聽朋友講.

從里斯本市中心的Santa Apolonia火車站坐火車前往,大約個半鐘便到,差不多每半個鐘一班車.到達仙查,再坐巴士上山便到畢拿皇宮Pena Palace

,去到時剛剛有層霧,令我仿如置身仙境之中,皇宮外牆色彩鮮艷,

絕不比其他宮殿遜色.

可到以下有用的網址參考:

http://www.portugalvirtual.pt/旅遊資訊

http://www.cp.pt/火車資料

市中心Rossio區的Parca Dom Pedro IV彼得羅四世廣場,亦稱Rossio.

  臨海邊Baixa區商業廣場Praca do Comercio前的奧古斯拱門Arco Rua Augusta的日和夜,拱門後是出名的行人專區,兩旁食店和商店林立,最重要當然是有我(所有女士們)的至愛LV.

從P.Figueira廣場旁或商業廣場前坐15號電車去到西面的Belem區,就會看見位於Tejo河上三座白色物體,它們就是:

傑洛莫尼修道院Jeronimos Monastery 

 內裡也很精緻,院內尚有考古學博物館,海洋博物館和天文館可供參觀.

對面就是發現碑Padrao Dos Descobrimentos,可坐升降機上頂參觀,不過上面好細,人多最好分批上(8個人),唔係好難影相.上到碑頂,更可遠眺對岸的基督像Cristo Rei.

向前行就是白雪雪的貝倫塔Tower of Belem.

想知多啲葡萄牙的資料,可到網頁參考.

其他要注意的一般事項,可到網誌內'歐洲自助遊-我得你都得'中參考.