先講講地理,位於普羅旺斯中心的Vaucluse省,首府就係Avignon,除咗盛產薰衣草外,仲有橄欖,葡萄同果園,既然盛產葡萄,當然唔少得有酒莊供遊人參觀.

薰衣草花田,大多位於Mont-Ventoux山,Mont.de Lureu山同Luberon山脈內,火車唔到,亦冇乜巴士到,除咗自己駕或租車外,最好跟local tour,跟tour就最好stay係Avignon,因為大多數tour都由此出發,佢都係一個古城,值得參觀,可惜六月尾有個電影節,七月又有節慶,所以最好訂到房至搵tour,或者即日來回參加半天團.如果想上國鐵網頁買特價火車票就要快,因為多人去好快買哂,正價價錢亦貴好多;**如用火車証就要留意,記得做咗留位至好上車(因為係坐TGV),同埋每班火車預留俾持火車証坐嘅人係有數量限制,所以旺季時最好早啲做留位.坐火車時最好揀Avignon-Centre站,係正市中心,方便遊玩,市中心外個火車站叫Avignon TGV,兩站相距10分鐘車程.

想知多些Avignon嘅資料,可去網頁睇吓.

如果係Avignon訂唔到住宿,可考慮住附近小城,book tour時就睇吓可唔可以改喺自己住宿處上車,如果唔得,坐火車都好方便,小城資料如下(如由巴黎前往,都要在Avignon轉車) :

想check巴士時間表,可以去網頁睇,不過只得法文.

以下有幾個 local tour網頁俾大家參考 :

1. Self-Voyages,去到網頁,按english轉入下個畫面再按english轉入下個畫面,按Tours轉入下個畫面,喺Your Search度揀你想參加的local tour.當中Coach tours Les Provencales內有個Lavender & villages in Luberon by coach係最平,下午1點半至7點,會帶你去睇花田,參觀Luberon內的Gordes村同薰衣草博物館;另外Lavender Tours內有個坐Minibus嘅Lavender tour Afternoon同佢差不多但去多幾處睇花田,下午2點至7點,價錢就貴一倍.除咗下午團,仲有上午或全日,尚有參觀酒莊,遊船河,坐飛機觀賞花田同煮食等等唔同種類團.如果有4個人兼打算住1星期,可考慮租佢間apartment,由星期六至下一個星期六.
2. Provence Panorama,佢啲local tour種類同上面的差不多,但價錢就平些少,不過上面我講最平個團Coach tours Les Provencales佢就冇;仲有租車(包司機)服務.
3. Decouvertes du Ventoux,佢啲local tour種類同上面的差不多;亦有租車(包司機)服務.

4. Montgolfiere,如果有錢又對坐熱氣球有興趣,可到網頁參考,網頁內都有些少酒店介紹,可以去睇吓.

有些團會去Lavender Museum薰衣草博物館,想自己去就要自行駕車,無公車到.

如果對睇薰衣草興趣唔大,可考慮其他月份前來,到附近一帶小城遊覽,至少唔使同人迫兼捱貴酒店.

想知多些普羅旺斯嘅資料,可去網頁睇吓.

• 想買就去佢嘅網頁,輸入地點日期時間和country等後按Search,轉入下一個畫面,就會列出當日由你揀的時間開始,有邊幾班車俾你揀,揀好價錢就可以再揀座位,可揀Aisle走廊或Window窗口,如是臥舖就最好揀Upper,揀好後按choose this outward journey,轉入下一個畫面,是order summary,你會見到有段紅色字:Attention,you cannot make reservations for certain journeys in this list,原因係日期時間同座位都有哂,所以係唔需要再去火車站做留位,check清楚正確無誤後,可選擇買另一張票或按confirm轉入下一個畫面,佢有兩種攞票方法,一係電腦自行列印(同意大利一樣),二係攞住張買票時用嘅信用卡同send俾你嘅confirm email,去當地售票機或櫃台度攞,入埋個人資料(無論買幾多張飛,都只需入信用卡持有人的資料就ok),tick埋BY ticking this box......按confirm轉入下一個畫面,入埋信用卡資料就ok,要注意係入完信用卡號碼後,下面有個保安碼要入,即是信用卡背面號碼後的數字(一般是3個).等佢send email俾你之後print出來,出發時緊記帶埋張print out同買票張信用卡,去到就可以依時上車.至於個email,就玩完返來至好delete,萬一唔見都可以再print過.
• 由西班牙,德國,比利時,荷蘭,盧森堡,意大利同瑞士出發去巴黎,又想經法國國鐵網頁買特價票都得,做法同上面一樣,攞票方法就揀自行列印或郵寄都得.
• 瑞士只有由日內瓦出發至有特價,而攞票方法亦只得郵寄或揀Collect your tikcet......,即是買完後,要於辦公時間內去日內瓦的Boutique SNCF內,帶埋信用卡同買票後send俾你的confirm email(帶定)取票就可以,要俾8蚊瑞士法郎手續費,網頁內有齊地址同辦公時間.不過買之前,最好去埋瑞士國鐵網頁度睇吓,邊個平再決定幫邊個買,網誌內瑞士自助遊-注意事項有教大家點做同佢嘅國鐵網址. 
• 唔同國家嘅國鐵,都會有特價國外線火車票供網上購買,出同入都得,取票方法都係自己print或郵寄,除咗意大利(入去嘅火車票取票方法得兩種,郵寄-但只限國內,或去火車站取-又係只限國內火車站,即是出境可上網買,入就唔得,因為攞唔到),唔怕煩,可去埋網誌內 : 德國自助遊-注意事項  , 荷蘭自助遊-注意事項 , 意大利自助遊-注意事項二 , 比利時自助遊-注意事項睇吓,邊個平再決定幫邊個買,網誌內有教大家點做同佢哋嘅國鐵網址.而西班牙都係經法國嘅TGV網頁買,所以唔使去格價.
• 佢個網頁,有時用用吓會有問題兼down埋,咁就要close哂所有畫面,重新入去.

上網除咗可以買特價票外,仲可以做埋TGV嘅reservations,(因為有任何一款EURAIL PASS係可以坐,但就要做了reservations先坐得),同樣有特價只需1.5歐羅,比在當地火車站做平一些.只需去到上面所講的國鐵網頁,係Book your ticket個格最低按More criteria轉入下個畫面,輸入出發地等資料後,係2.Who is travelling?內Your season ticket度揀你個pass種類,頭等就揀1st Class Daily,2等就揀2nd Class Daily便可以.

其他如臥舖上網做冇特價,所以可以去到再做.

係火車站做留位時要注意,最好用紙寫定日子時間地點等,買完睇清楚無錯至好走.我就試過一行4人去火車站book2間頭等雙人臥舖由尼斯去羅馬,我都知大家啲英文係水兵鬥海軍,寫好哂兼攞埋本time table入面嘅雙人臥舖圖指俾佢睇,收錢時都奇點解咁平,仲以為佢哋咁好優待,攪好哂俾張飛我睇時至發現,佢book咗間2等4人房,即時話佢知錯,仲理直氣壯同我講雙人房好貴,4人房平啲唔好咩,真係唔知條友係真傻定假懵,不過心諗反正都係自己人一間房平些都好,點知上到火車先發覺,佢同頭等廂房唔同,頭等房門有得鎖外,車卡間度門都鎖埋,隔離卡係過唔到嚟,同埋有個專人留守係車卡度,有飛先俾上車,2等不單只房門無得鎖,車卡間度門係無鎖互通,我就瞓到好似死豬咁,但其餘3人就話成晚啲人係出邊行來行去搵位,好在帶咗鎖鏈同鎖重有繩,帶咗幾次都無用過,今次終於都用得到.

去倫敦的eurostar是在火車北站搭,有pass都要補錢先可以坐,上網買亦係有特價,可以去埋eurostar個網頁睇吓邊個平些.

尚有要注意的事項如下 :

• 法文Hotel(o字上有個^)除可解做酒店外,豪宅和大型建築物也是叫Hotel的,所以存放拿破崙陵寢的地方叫做Hotel des Invalides,咪以為佢係酒店.
• 法國紅酒和鵝肝世界聞名,可以去超級市場買返酒店試吓.
• Bonjour,跟我讀'磅書',這是打招呼用語,一句旁身就全法國通行.

想知多啲法國的資料,可到網頁參考.

其他要注意的一般事項,可到網誌內'歐洲自助遊-我得你都得'中參考.

• 最好選擇喺火車北站Gare du Nord落腳(有地鐵同RER可坐),因這裡有齊高,中,平價的酒店和旅館,法式餐廳(有些連中文餐牌都有),美式快餐店,日式餐廳,越式快餐店等等,由車站正門行落兩條街有兩間超級市場,火車站地低有自助儲物櫃,但由地鐵係過唔到去,一定要上返地面由火車站內另一通道落,正確位置即是由火車站地面月台出嚟,向右手面行就會見到,內有職員看守和行李要過X光機檢查.可在此搭RER B線往戴高樂機場Aeroport Roissy-Charles de Gaulle,往倫敦的Eurostar亦是由此開出.**酒店可考慮New Hotel呢間2星 - 網頁,好處係喺正火車站對面,一出就見到.亦都可以好似我咁,去到至慢慢搵都得,因同一條街上,仲有好多唔同級數嘅旅館同酒店.**

• 晚餐要試吓佢哋啲生蠔,分1至六號,亦可考慮海鮮冷盤,樣樣有齊,再唔係就叫個扒加枝紅酒慢慢享受.
• 有人話巴黎的地下鐵和RER路線圖好似蜘蛛網咁好難明,其實只要跟住啲顏色線慢慢睇就會發覺好方便,因它四通八達都好方便,不過轉線時往往都要行餐懵.要留意嘅係一條RER線內會再分開去唔同目的地,好似坐RER B去Charles de Gaulle機場,都有2條線去2個目的地,一條去機場,另一條就去Mitry-Claye,睇清楚月台水牌個目的地先好上車.一張交通票巴士,地鐵同RER等共用,地鐵可轉RER但就唔可以轉巴士,一次過購買10程票Carnet de 10 tickets plein tarif平過遂張買,亦抵過買Paris Visite,雖然有証可以免費坐,但1日搭唔倒10程車,同埋佢啲景點好近吓,好似羅浮宮同凱旋門望落幾遠,但直接行去分分鐘同行返落地鐵月台一樣咁遠,原因係有幾條線都會到嘅站,月台間都相隔好遠兼無扶手電梯,上上落落都好辛苦,咁行法不如行過去好過.
• 聖心教堂旁有小型纜車上去,唔想自己行可以用一張交通票坐上去.
• 當你搭地鐵時會發覺好多人都唔買飛,跳或爬過閘口就算,出閘時又會兩個人迫埋一齊過,千萬不要為咗慳嗰小小錢而因小失大,因為週不時都會有一大隊穿著制服或便衣職員係轉車或出閘口的途中查飛,無飛就罰錢,冇得扮唔知,所以謹記買飛和袋好咪唔見,網頁內有哂所有公共交通公具嘅資料,包括去Orly機場同Charles de Gaulle機場.除此之外,法航都有巴士由呢兩個機場出市區,如去Gare de Lyon同Montparnasse呢2個火車站,如要趕火車就最好坐RER,因為可能會塞車;唔使一定要坐法航先坐得,俾錢就得,網頁內有詳細資料,想知多些呢兩個機場嘅資料,可以去網頁睇.
• 坐廉航有時會去Aeroport Paris Beauvais Tille機場,網頁有講點坐車去.
• 坐地鐵轉線時,有時要出閘再入,用返同一張票出入就得,只要睇清楚唔好出錯閘就得,未離開地鐵站都唔好掉張票. 
• 商店的開門時間,多數由早上9:00或10:00到晚上7:00或8:00關門(全法國都是).百貨公司如Printemps春天,逢星期四開至10:00.Galeries Lafayette老佛爺,逢星期四開至9:00(內有超級市場).入去前記得睇清楚關門時間再慢慢選購.星期日全部商店休息,某些超級市場和位於旅遊點的商店會照常營業,好似香榭麗舍大道上的LV總店竟然都有開(下午1:00至2:00會關門午休),不過唔知會否只是暫時性質,所以去前最好去佢個網頁查吓,唔係以為我講大話.
• Avenue des Champs-Elysees香榭麗舍大道上店舖林立,但是只得一間LV總店點夠,放心,由大道向羅浮宮方向行至Av. Montaigne街,如不想行到腳軟(因一陣有排行,不過女士們的忍耐力是天下無敵的,只要小宇宙一經發揮),可從George V地鐵站搭一個站去到Franklin D.Roosevelt,記得要喺車頭落,一上到地面就會即時見到Gucci, 接著還有Salvatore Ferragamo, Chanel, Hermes, Prada, Celine, Fendi, Christian Dior, LV.....等等.要記住這裡的名店星期日是唔開的.
• 如想購買LV,應儘量避免前往香榭麗舍大道總店,雖然貨品齊備,但是非常之咁多人,想揾人幫你都難,兼且現在無目錄你睇(其實有不過唔擺出嚟),如果唔記得嗰名都幾難買倒.可考慮前往塞納河左岸ST-GERMAIN-DES-PRES區嗰間,位於地鐵4號線ST-GERMAIN-DES-PRES站,啲SALES好好人,我同朋友都係冇抄低個名,形容咗好耐先知想要邊個,可能因為咁,到我哋話想買銀包,即刻攞哂出來俾我哋揀.
• 無論你是否充滿藝術細胞,都應該買張Paris Museum Pass(inter Musees),分2,4或6日,憑咭可免費前往各個主要的博物館,美術館如羅浮宮,凡爾賽宮,凱旋門,聖母院等(鐵塔唔包),最重要就是不用再浪費時間去排隊買票,隨付的小册子有詳細列明,網頁內有詳情講邊啲免費,去到巴黎先買就得啦,唔使經網頁買.要注意係張pass要連續使用,所以開証前要留意想去的博物館會唔會休息唔開.
• 市郊Chateau de Versailles凡爾賽宮,係太陽王路易十四起嚟做皇宮,加埋花園,大到起碼行1日,第一次世界大戰結束後,就是在皇宮內的鏡廊簽署凡爾賽和約,坐RER C係Versailles Rive Gauche落車.
• 地下鐵2號線和11號線的交匯點站Belleville,是當地的唐人街,有齊各式各樣的餐廳和酒樓,亦有超級市場,越南餐廳都有好幾間,而我就覺得當中有間叫"為平牛粉"係最好食,亦最多人幫襯,不過價錢都唔平.
• 地下鐵4號線Les Halles和RER A,B,D線Chatelet Les Halles(互通的交匯點)有個大型的購物中心Forum Des Halles,內裏有間大型的H&M,出中心向西北方向走,穿過Eglise St-Eustache教堂,見到Rue du Jour街,Agnes b的總店在此.
• 迪士尼樂園網頁.
• 迪士尼樂園隔離有個大型的購物商場,商場內又有間大型的超級市場,好大間有2層;最重要是商場隔離有個Factory outlet : La Vallee Village,不妨去睇睇有冇平嘢執.
• 地下鐵4號線尾站Porte de Clignancourt有個巴黎最大嘅跳蚤市場Marche Aux Puces de Saint-Ouen,只開星期六,日,一3日,網頁內有詳細資料.
• Place de la Bastille巴士底廣場旁都有個賣食物嘅露天市場,即是街市,只開星期四同星期日,上午8點半-1點半.另外喺對岸地下鐵7號線Censier Daubenton站或Place Monge站旁,Rue Mouffetard街是一條好細嘅石板小路,前段係紀念品店同小餐館,後段係一個古老街市,入到去你可以聞到好大陣芝士味,街市晨咁早7點就開,星期一唔開.
• 如想要影得哂成個巴黎鐵塔,就要係地下鐵6號線和9號線的交匯點站Trocadero落車,影完再慢慢行落去.
• 法文Hotel(o字上有個^)除可解做酒店外,豪宅和大型建築物也是叫Hotel的,所以存放拿破崙陵寢的地方叫做Hotel des Invalides,咪以為佢係酒店.
• 法國紅酒和鵝肝世界聞名,可以去超級市場買返酒店試吓.
• Bonjour,跟我讀'磅書',這是打招呼用語,一句旁身就全法國通行.
• 坐RER B去Charles de Gaulle機場時要留意,我試過下午5點零由北站坐入去班車唔係好多人,第二年6點零坐多人到上唔到車,因為人可以迫上去但行李就上唔到,原因係班車途經嘅站係住宅區,即是早幾年巴黎發生騷亂當中一個住宅區,所以好多人搭車返屋企.仲有就係每次都去counter買好去機場嘅車票,但去到機場用張票出閘就差不多次次都出唔到,唔係我問題,因為我見其他人都一樣出唔到,最後當然係一齊跨過就算.
• 酒店同旅館都有免費地圖擺哂出嚟,有埋地鐵路線圖,想攞可以入去扮問價錢時順便攞.

想知多啲法國的資料,可到以下幾個有用的Parisinfo或Paris-France參考.

其他要注意的一般事項,可到網誌內'歐洲自助遊-我得你都得'中參考.

睇旅遊書介紹,說它是浪漫花都,什麼一生總要去一次咁話,可能是人們把它推崇得太犀利,令到嚟巴黎嘅遊客越來越多,攪到某些法國人會自視過高.

好像有一次,前往參觀巴黎鐵塔,當然首先是去它對面的Palais de Chaillot宮啦,因為從宮前個噴水池影過去,靚好多;又可以係宮後嘅餐廳食埋lunch.

當我們行到其中一間餐廳門前想睇睇有乜好食,只得一本法文餐牌,侍應生走埋嚟問我有冇嘢可幫忙,梗係即刻問佢攞本英文嚟睇,吓,佢竟然話"對不起,我們只得法文餐牌,我便是你的英文餐牌",嘩嘩嘩,唔係啩,咁大部發聲字典;朋友叫我過隔離嗰間望吓,不過大唔透嘅我,就逐個指等佢慢慢翻譯,講真,啤酒,汽水就話易啫,豬牛雞羊有唔同部位,海鮮又有幾百個品種,佢記得幾多,講到咁上下,已經唔知點講係度傻笑.佢老闆都有問題,係得呢度開,應該都係想做遊客生意啫,你估個個遊客,都會為咗嚟旅行而走去學法文咩;而個侍應生,明知自己要做翻譯,就應該一早記定啲名先啦,真係差啲劉華上身同佢講"今時今日咁嘅服務態度係唔得嫁".隔離餐廳個侍應生就醒得多,見我哋埋嚟,即刻俾本英文餐牌過我睇,驚死我哋走仲拿拿聲帶我哋入去坐,哈哈,咁好招呼,想唔幫襯都唔得啦.而另一次係Agnes b總店附近的一間餐廳內,亦有類似嘅情況出現,究竟係啲法國人自視過高,定係唔識英文,驚溝通唔倒,所以情願唔做生意.不過佢哋都傻嘅,我可以去幫襯中式餐館,美式快餐,或者第二間啫.

遊客多,真係乜人都有,例如當你走在香榭麗舍大道上,一定會有人埋嚟叫你幫手買LV,我唔知佢來自中國,台灣定其他國,只知佢講國語,我差啲都想同佢講,我都驚佢唔俾我買咁多,不如你幫我好過.鬼咩,啲朋友知我去,一早俾定order要我幫佢買,驚死我買錯就連相加名都俾埋,一大堆order等住.所以我推薦大家去另外一間度買,因為嗰度無咁多人.

而係杜樂麗花園行往羅浮宮嘅途中,你又會見到有班黑人,擺哂枱係度籌款募捐,話要幫助自己國家嘅人民,走出困苦咁上下.講真,我都唔知佢係真定假,何況我係香港都未必會捐,嚟到呢處就更加慳得就慳.

最後就係,當我係塞納河畔嘅公園內,嘆緊我嘅午餐時,咁啱公園內只得我哋係度,有條鬼佬係我哋前面大約5米範圍外行嚟行去,又唔係靚仔梗係無望佢啦,但佢係度不停來來回回吸引我哋注意,唔通想打劫,於是乎我就望吓,頂,原來條友係度露下體,不過又要搵本書遮遮掩掩,又唔係偉大過人,最cheap係又要驚又要露,仲影響埋我嘅食慾;見我哋無乜反應,佢至肯走.

真係乜人都有.

雖則有啲騎呢,不過巴黎亦不可不到,例如:

• 位於蒙馬特山上白雪雪嘅聖心教堂.
• 藝術氣息濃厚嘅蒙馬特區.
• 高人一等嘅巴黎鐵塔.
• 古典優雅嘅聖母院.
• 成座山咁嘅凱旋門.
• 有個三角形入口嘅羅浮宮.
• 擁有各式各樣唔同展品嘅博物館和美術館.
• 女人嘅至愛LV.
• 人人都羨慕要模仿佢嚟起嘅凡爾賽宮.

真係太多不能盡錄.

三面環海的它,位於雷恩以北,坐火車大約1個鐘就到,主要的觀光點是古城牆和城牆內的舊城區,從火車站徒步前往,5分鐘就到,沿途會經過一個泊滿遊艇的碼頭,

從古城牆繞行一圈,一邊俯瞰舊城,一邊眺望茫茫大海,潮汐漲退,真係難得清閒.

有興趣可到此網頁找資料.

漲潮時沒舍特別退潮時,嘩,好多生蠔,一排排好似等住我去食,岸邊有小販在販賣,即買可即開即食,啲船就一隻隻擺喺等運到,岸邊啲屋都好靚,任何一間餐廳,都可吃到新鮮生蠔,價錢仲好便宜.

雖然法國生蠔SIZE比較細,但由於即捕即食,同急凍的味道比,真是有天壤之別.這兒雖是一處比較冷門的旅遊點,正因這樣,才不會太俗氣,天朗氣清時,更可遠眺聖米歇爾山,雖然好細粒.

在聖馬羅ST.MALO火車站旁有巴士前往,大約1小時車程便到,可到巴士公司個網頁睇吓時間表或到時去到火車站個巴士站度睇都得,但要留意星期日巴士班次會比平日小.

由亞歷山大三世橋直行,就會看見存放拿破崙陵寢的傷兵院Hotel National des Invalides,內分幾部份,主要參觀為-軍事博物館Musee de I'Armee內藏軍事制服,兵器,盔甲等等,和Eglise du Dome教堂,拿破崙陵寢就在這裡,網頁http://www.invalides.org/pages/anglais/menu_ang.html.

羅浮宮Musee du Louvre,網頁http://www.louvre.fr/llv/musee/alaune.jsp?bmLocale=en,幾時都咁人頭湧湧,點解個入口會掉轉咗,唔係,佢係地底商場的裝飾品,旁邊有間天鵝仔水晶店.

羅浮宮前的騎兵門,穿過門後直行便是Jardin des Tuileries杜樂麗花園,左上角是真係去到邊都見到嘅鐵塔.

La seine塞納河,一隻隻觀光船正在等待遊客.這條是主要用木和鐵做的藝術橋Pont des Arts,前方是Institut de France,在羅浮宮後面.

Opera Garnier歌劇院,就係歌聲魅影The Phantom of the Opera嗰座.

呢座咁古色古香嘅建築物是Gare de Lyon火車站.

    凱旋門Arc de Triomphe,努力行上大約210級樓梯,就到門頂,從這裡可遠眺新凱旋門,網頁http://arc-de-triomphe.monuments-nationaux.fr/en/.

 巴黎鐵塔Tour Eiiffe,網頁http://www.tour-eiffel.fr/teiffel/uk/index.html,對岸的Jardin du Trocadero花園和Palais de Chaillot宮,在這兒便可輕易影哂整座巴黎鐵塔.

位於Ile de la Cite西堤島上的Notre Dame de Paris聖母院,網頁http://www.notredamedeparis.fr/-English.

這座位於小山上雪白的聖心教堂Basilique du Sacre-Coeur是蒙馬特區Montmartre的地標,亦是觀賞巴黎的絕佳地點,網頁http://sacre-coeur-montmartre.com/us/index.html.

位於共和廣場Place de la Republipue以北的聖馬丁運河Canal St-Martin,呢度都有船坐.係電視就睇得多,到自己坐在船上,睇住隻船去到閘前等放水或入水時的情景,都幾得意.

遠離市中心,位於西北面是巴黎最現代化的區域,摩天大樓比比皆是,像這個設計獨特的La Defense新凱旋門,10程票不適用,要另外買地鐵飛,可乘升降機上天台的觀景台,網頁http://www.ladefense.fr/culture_grandearche.php.

由於之前寄存行李時遇到的不快,原本打算從聖馬羅回到雷恩便直接坐火車回巴黎,但既然來到,無理由過門不入,故此決定留下遊玩兩天,火車站附近,已有無數酒店和餐廳在眼前,尚算方便.

主要觀光點為舊城區,從火車站徒步前往,大約10分鐘就到,可能太近,攪到我問酒店接待員有乜巴士前往時,佢碌大對眼望住我話'好近喎,直落就係,仲要搭車',唯有死死地氣行啦,穿越La Vilaine河,就是舊城區,途經一個市場,當然要入內參觀順便影番張相,如果有興趣,仲可以喺度買返啲鵝肝或鴨肝.

某些街道,仍然保存住中世紀的面貌,

   來到舊城區,看見一間間色彩鮮艷的木造房屋,十分精緻,不禁令我想起童年時玩的積木,真的是要感謝當地市政府保存著這個風貌,使我可以勾起絲絲回憶,好彩決定留低,若果唔係,就會錯過這些美景.

有興趣,可到此網址找資料http://en.tourisme-rennes.com/

沿路行出去,潮水已退,牧羊人開始在放羊,看見啲羊一隻一隻喺我面前行過,唔,一陣食羊扒好唔好呢,突然有隻羊停低仲望住我,死火,我著住羊毛底衫,圍住羊毛頸巾,仲戴埋冷帽和手套,唔通佢以為我係同類定係屠夫呢,沖埋嚟咁點算,蟻多嬲死象喎,好彩,原來佢只係停低解決.

原來鎮上只有幾間酒店,一間小型超級市場,一間其他商店都冇,無得shopping.

食完lunch,影完相,喺超市度hea完,就行返入去,雖然可以坐巴士,不過等得嚟都行到,況且大把時間,一路行一路影相都唔錯.

男士們請記住,最好帶女友來此渡假,至少呢幾日可以慳番啲當回氣.

開始行上修道院,嘩,上山的路好漫長.你話如果好似中環咁有條自動扶手電梯幾咁好,不過咁樣又會破壞咗它的天然美,喺坐山裡面起咪破壞唔倒囉.我哋呢啲都市人真係為煩到嘔,又要嚟又怕辛苦.不過好彩無人,我哋可以好似蝸牛上樹一樣慢慢行上去.

上到去已經有人喺度影相,怪不得山下無人,原來上哂嚟睇日出,點解我想不到,真笨,第二朝再上來睇,唔係啩,又嚟,好在我啲朋友無呢個提議.

行到11點幾望返落山,啲水已經退哂,停車場亦已泊滿旅遊巴,遊客開始進駐入山.

看旅遊書介紹L'Omelette de la Mere Poulard餐廳有一道煎蛋很好吃,來到當然要試吓,未到已聽見叮叮聲,原來是廚師正在'發'蛋(用具是鐵做,所以咁大聲),隔離嗰個就揸住大煎pan喺度煎蛋,仲擺哂post俾人影相.點知冇位要等起碼半個鐘,門口明明無人係度等都要咁耐,不過無所謂,香港等位仲耐,原來二樓是個等候室(所以門口冇人),幾好喎,唔駛好似香港咁揸住張飛企喺門口度呆等.上到二樓,不單止裝飾得美輪美奐,仲大過樓下間餐廳(因全層均是等候室,樓下是餐廳和廚房一齊),高級餐廳就係咁,寧願你等位都唔會開多幾張枱做生意,都啱,人多廚師整唔切,搞到粗製濫造就會令到水準下降.

終於都有位,看看餐牌,一份煎蛋已要十幾蚊歐羅,午餐(有埋煎蛋)就要五十幾,都坐底咗囉,就豪俾佢叫咗個午餐食,咁大個女都未食過咁貴的午餐.主角終於出場,食一啖發覺好普通啫,阿媽啲午餐肉或九菜或豆角炒蛋仲好食(仲要唔駛二十蚊港銀就得),俾阿媽知道實哦死.唔明點解個作者會話唔食唔得,就算阿媽或自己唔識煮,街頭巷尾啲餐廳都有得食,不過每個人啲口味唔同.自此之後,我會嚴格篩選再諗過度過至會去試旅遊書所推薦的餐廳或食物,無謂再笨多一次.

食完就行咗過佢對面間舖頭買返啲蛋餅做手信,朋友買咗好多,我梗係無買,頭先嗰餐咁貴都未回氣,不過我都唔笨,見朋友買咗咁多,係咁試食佢啲蛋餅,曲奇餅同朱古力,補償返小小都好.

首先從香港坐直航機去巴黎,於巴黎的Montparnasse火車站坐火車去Rennes再轉巴士便能到達,路程雖有點崎嶇,但是無理由會難倒我的.

如從巴黎機場坐地鐵去火車站,可避免塞車而誤時(因已買了9:00開的特價火車票,不可更改),但是要拉住啲行李上上落落兼要轉車,都幾煩,坐巴士一程就到,比較方便,反正有2個鐘時間,點塞都應該無問題.
好衰唔衰嗰巴士司機一出機場就差啲同人撞車,更衰的是嗰架係警車,更更衰的是嗰司機竟然同佢理論,唔駛我講大家都知跟住發生乜,就係停車,熄匙,駕駛執照,攪咗45分鐘先放行,已經心急如焚,行行吓真係遇著塞車,我哋就做咗法國蝸牛,慢慢向前行.

去到火車站已經8:55分,即刻拉住嗰喼係咁橫衝直撞,去到月台搵極唔見我班火車,走去詢問處問至知班車仲未到,係呢一刻真係好多謝佢誤時,唔駛蝕咗張火車票.但是一等又等一個鐘,開始閙佢有冇攪錯,火車應該準時到至啱,哈哈,人就是咁矛盾.

火車到達Rennes時,去聖山嘅巴士已經開走咗,要等到16:30至有車,諗住先將行李寄存,再出去食嘢,點知個火車站無自助儲物櫃,只得行李寄存室,而負責的大叔竟然話我哋啲行李太大,無位擺(懶就真),我提議自己搬,佢又唔肯,點都唔做我哋生意,無計,唯有拉住個喼週圍走.

終於等到16:30坐巴士向聖山出發,去到已經天黑,條街(嚴格嚟講,只得一條大街)無哂人,所有舖頭都收哂工,幾經辛苦至搵倒間酒店投宿,可選擇要或不要早餐,心想反正要另外俾錢至有早餐食(多數得麵包),不如早啲休息,第二日早啲起身出去睇睇有冇更好的選擇.

第二朝一早出去至發覺,所有餐廳要12:00至開門做生意(更有一間喺左近的麥記,Sorry,呢度冇),冇嘢食唯有死死哋氣返酒店幫襯.

食完早餐就即刻行出去影番幾張相留念,出到去至發覺原來喺不知不覺間,我哋已經被海水重重圍困,連嗰巴士站都淹沒埋.

哈哈,經過重重波折才到達,看見咁莊觀的情景,真是不枉此行.

 潮漲-不可進入   潮退-歡迎 

放心-不會倒塌,嘩,小心潮漲,走避不及,

 海水進駐完,慢慢退下後,就輪到旅遊巴和各式各樣的車輛開始進駐,就連羊咩都唔執輸要嚟趁熱鬧.

島上沒有名店街,只有紀念品店,酒店和餐廳.在這裡可盡情享受寧靜的生活.

由山腳慢慢步行上山頂的修道院,一邊行一邊欣賞沿途景色,就不覺倦.終於都到,望返落去,條路都好斜,所以行到索氣.

修道院內精緻的拱形迴廊.

如有興趣,可前往它的網頁搜集資料.

想去聖山,首先係巴黎的PARIS MONTPARNASSE火車站(位於塞納河左岸)坐TGV火車去到RENNES再轉巴士,去到RENNES出火車站後轉右行會見到有座好鬼高嘅大廈,過埋馬路行入去就係巴士公司售票處,買完票係另一個出口出去巴士站坐巴士,可以去網頁睇,這是前往聖米歇爾山的巴士公司資料同時間表.

一點tips-由於冬季不是旅遊旺季,住宿會容易一些和有折扣優惠.